ଚୀନ ସହ ଡୋକଲାମ ବିବାଦର ଓଡିଶାରେ ବଡଧରଣର ପ୍ରଭାବ : ରାଜ୍ୟର ପ୍ରମୁଖ ବାଣ ବଜାରରେ ୯୦ ପ୍ରତିଶତ କମିଲା ଚାଇନା ବାଣର ବିକ୍ରି
କନକ ବ୍ୟୁରୋ : ଓଡିଶାର ଅନ୍ୟତମ ବାଣ ବଜାର ଜଟଣୀରେ ଜୋରଦାର ଚାଲିଛି କାରବାର । ଜିଏସଟି ପ୍ରଭାବ ଟିକିଏ ପଡିଥିଲେ ବି ମାନ୍ଦାବସ୍ଥା ନାହିଁ । କିନ୍ତୁ ଏକ ନୂଆ କଥା ହେଉଛି ଯେଉଁଁ ଜଟଣୀ ବାଣ ବଜାରରେ ଚାଇନା ବାଣ ସବୁଠାରୁ ଅଧିକ ବିକ୍ରି ହୁଏ, ଏବେ ସେଠାରେ ଚାଇନା ବାଣ ପ୍ରାୟତଃ ନାହିଁ କହିଲେ ଭୁଲ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାର ଆଉ ଏକ ସବୁଠାରୁ ବଡ ବାଣ ବଜାର ବ୍ରହ୍ମପୁରରେ ବି ସବୁ ବର୍ଷ ଚାଇନା ବାଣର ପସରା ମେଲିଯାଏ । କିନ୍ତୁ ଏଥର ଚିତ୍ର ବଦଳି ଯାଇଛି । ନା ଗ୍ରାହକ ଚାହୁଁଛନ୍ତି ଚାଇନା ବାଣ ନା ବ୍ୟବସାୟୀ ରଖୁଛନ୍ତି ଚୀନ ନିର୍ମିତ ବାଣ ଭୁୁବନେଶ୍ୱରରେ ବାଣ ବଜାରରେ ବି ସେଇ ସମାନ କଥା । ରାଜ୍ୟ କିମ୍ବା ଦେଶରେ ତିଆରି ବାଣ ହିଁ ପ୍ରଥମ ପସନ୍ଦ । କହୁଛନ୍ତି ଚଳିବ ନାହିଁ ଚାଇନା ବାଣ ।
ପ୍ରତିବର୍ଷ ଦୀପାବଳୀରେ ଓଡିଶାର ପ୍ରାୟ ୬୦ ପ୍ରତିଶତ ଚାଇନା ବାଣ ବିକ୍ରି ହୋଇଥାଏ । କିନ୍ତୁ ଡୋକଲାମରେ ଚୀନ ଓ ଭାରତୀୟ ସେନା ମୁହାଁମୁହିଁ ହେବା ପରେ ଚୀନ ପ୍ରତି ଓଡିଶା ଲୋକଙ୍କ ମନୋଭାବରେ ବଡ ପରିବର୍ତନ ଆସିଛି । ଆଉ ପ୍ରାୟ ୯୦ ପ୍ରତିଶତ ଚାଇନା ବାଣ ଓଡିଶା ବାଣ ବଜାରରେ ବନ୍ଦ ହୋଇଯାଇଛି ।