ହୁସିଆର ! ଏବେ ଗବେଷଣାରୁ ଜଣାପଡିଛି ଲଙ୍କାଗୁଣ୍ଡରୁ ମଧ୍ୟ ହେଉଛି କ୍ୟାନ୍ସର ।
ସମସ୍ତଙ୍କୁ ଜଣା ଧୂମପାନ ଓ ମଦ୍ୟପାନ ଯୋଗୁଁ ଅନେକ ଲୋକ କର୍କଟ ଦ୍ୱାରା ଆକ୍ରାନ୍ତ ହୋଇଥାନ୍ତି। ଏବେ ଗବେଷଣାରୁ ଜଣାଯାଇଛି ଯେ ଆପଣଙ୍କର ରୋଷେଇ ଘରେ ଥିବା ଲଙ୍କା ଗୁଣ୍ଡ ମଧ୍ୟ କର୍କଟ ରୋଗର କାରଣ ହୋଇପାରେ।
Kanak News is now on WhatsApp
Join and get latest news updates delivered to you via WhatsApp
ଗୁଜୁରାଟ ଫୋରେନସିକ୍ ସାଇନ୍ସ ୟୁନିଭରର୍ସିଟି(ଜି ଏଫ୍ ଏସ ୟୁ) ଦ୍ୱାରା କରାଯାଇଥିବା ଗବେଷଣାରୁ ଏକଥା ସ୍ପଷ୍ଟ ହୋଇଛି। ଏହି ଅନୁଷ୍ଠାନର ସହକାରୀ ପ୍ରଫେସର ଜୟରାଜ ସିଂହ ଓ ସରଭୈୟା ଓ ପ୍ରଜେଶ ପ୍ରଜାପତିଙ୍କ ତତ୍ତ୍ୱାବଧାନରେ ଏହି ଗବେଷଣା କରାଯାଇଥିଲା। ଏହି ଗବେଷଣାରେ ଖାଦ୍ୟ ଉତ୍ପାଦମାନଙ୍କରେଥିବା ମିକୋଟୋକ୍ସିନ୍ର ତନଖି କରାଯାଇଥିଲା। ଏଥିରେ ଛଅଟି ବ୍ରାଣ୍ଡକୁ ସାମିଲ୍ କରାଯାଇଥିଲା। ଡକ୍ଟର ପ୍ରଜାପତି କହିଛନ୍ତି ଖାଦ୍ୟ ଉତ୍ପାଦ ଭିତରେ ମିକୋଟୋକସିନ୍ ଫଙ୍ଗସମାନଙ୍କ ଜରିଆରେ ନୀରବରେ ପ୍ରବେଶ କରିଥାଏ। ଏହି କାରଣରୁ ବିଶ୍ୱର ବିଭିନ୍ନ ଖାଦ୍ୟ ସମନ୍ଵିତ କର୍ତ୍ତୃପକ୍ଷମାନେ ବିଭିନ୍ନ ପ୍ରକାରର ଖାଦ୍ୟ ଶସ୍ୟ, ଡାଲି, ମସଲା ଓ ଦୁଗ୍ଧ ଜାତୀୟ ଉତ୍ପାଦରେ ମିକୋଟୋକସିନ୍ର ସୀମିତ ଉପସ୍ଥିତ ଉପରେ ଗୁରୁତ୍ୱ ଦେଇଛନ୍ତି। ଅଧିକ ମାତ୍ରାରେ ତାହା ଥିଲେ ତାର ପ୍ରକ୍ରିୟାକରଣ କରାଯିବା ଆବଶ୍ୟକ।
ଏହି ଗବେଷକମାନେ ଆହୁରି ମଧ୍ୟ ମତ ଦେଇଛନ୍ତି ଗୋମହିଷାଦି ପଶୁମାନଙ୍କୁ ଖୁଆଇବା ବେଳେ ଯେଭଳି ସେମାନଙ୍କ ଖାଦ୍ୟର ଯାଞ୍ଚ କରିବା ଦରକାର ଯେପରିକି ଦୁଗ୍ଧରେ ମିକୋଟୋକସିନ୍ର ମାତ୍ରା କମ୍ ରହିବ। ବିଶ୍ୱସ୍ୱାସ୍ଥ୍ୟ ସଂଗଠନର ରିର୍ପୋଟ ଅନୁଯାୟୀ ଖାଦ୍ୟରେ ଏସବୁର ଠିକ୍ଭାବେ ଯାଞ୍ଚ କରା ନ ଗଲେ, ବାନ୍ତି, ଜଣ୍ଡିସ୍ ଓ ଗ୍ୟାସଷ୍ଟ୍ରିକ୍ ଓ ଜ୍ୱର ଆଦି ରୋଗ ହେବାର ଆଶଙ୍କା ରହିଛି।