ଚେଙ୍କ ନେଲା ଜୀବନ ! ଚେଙ୍କ ଦେବାର ୫ଦିନ ପରେ କେନ୍ଦୁଝର ଡାକ୍ତରଖାନାରେ ଆଖିବୁଜିଲା ୧୮ଦିନର ଶିଶୁ
କନକ ବ୍ୟୁରୋ: ଚେଙ୍କ ଦିଆଯିବା ପରେ ଚିକିତ୍ସାଧିନ ଅବସ୍ଥାରେ ଆଖିବୁଜିଲା ୧୮ ଦିନର ଶିଶୁପୁତ୍ର । କେନ୍ଦୁଝର ଡାକ୍ତରଖାନାରେ ଆଖିବୁଜିଲା ଶିଶୁପୁତ୍ର । କେନ୍ଦୁଝର ଜିଲ୍ଲା ଯୋଡା ଥାନା ପୀଢପୋଖରୀ ଗାଁରେ ଦେଖିବାକୁ ମିଳିଛି ଏହି ଘଟଣା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗାଁର ବୁଧୁରାମ ମୁଣ୍ଡାଙ୍କର ନବଜାତକ ଶିଶୁର ପେଟ ଫୁଲିଯିବା ସହ ନିଶ୍ୱାସପ୍ରଶ୍ୱାସରେ ଶିଶୁଟି ଅସୁବିଧାର ସମ୍ମୁଖିନ ହୋଇଥିଲା । ଏବଂ ଶିଶୁ ଖାଦ୍ୟବି ଗ୍ରହଣ କରୁନଥିଲା । ଡାକ୍ତରଖାନା ନେବା ପାଇଁ ସୁବିଧା ନଥିବାରୁ ଶିଶୁ ପେଟରେ ଗରମ କାଚରେ ଚେଙ୍କ ଦେଇଥିଲେ ସମ୍ପର୍କୀୟ ।
ପରେ ଗୁରୁତର ଅବସ୍ଥାରେ ତାକୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଶିଶୁ ପୁତ୍ରଟିର ମୃତ୍ୟୁ ହୋଇଥିଲା । ଶିଶୁ ପୁତ୍ରକୁ ଡାକ୍ତରଖାନା ଆଣିବାକୁ ଆଶାକର୍ମୀ ମଧ୍ୟ ସହଯୋଗ କରିନଥିବା ପରିବାର ଲୋକେ ଅଭିଯୋଗ କରିଛନ୍ତି ।