ତିହାର ଜେଲରୁ ମୋଦିଙ୍କୁ ଟାର୍ଗେଟ କଲେ ପୂର୍ବତନ ଅର୍ଥମନ୍ତ୍ରୀ । କହିଲେ ବେରୋଜଗାର,ଚାକିରି ସଙ୍କଟ ,ଭିଡ଼ତନ୍ତ୍ର ହତ୍ୟାକୁ ଛାଡିଦେଲେ ସବୁ ଭଲ ଅଛି
କନକ ବ୍ୟୁରୋ : ଆଇଏନଏକ୍ସ ମିଡିଆ ମାମଲାରେ ଗିରଫ ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମ ତିହାଡ ଜେଲରୁ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । ମୋଦିଙ୍କ ହାଓଡି ମୋଦି କାର୍ଯ୍ୟକ୍ରମକୁ ବି ସମାଲୋଚନା କରଛନ୍ତି । ସେ କହିଛନ୍ତି ବେରୋଜଗାର,ଚାକିରି ଉପରେ ସଙ୍କଟ ଭିଡ଼ତନ୍ତ୍ର ହତ୍ୟା, କାଶ୍ମୀର ପ୍ରସଙ୍ଗ ଓ ବିରୋଧୀଙ୍କୁ ଜେଲରେ ଭର୍ତି କରିବା ଛାଡିଦେଲେ ଭାରତରେ ସବୁ ଭଲ । ଆଜି ତିହାଡ ଜେଲରେ କଂଗ୍ରେସର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି ଓ ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂହ ଚିଦାମ୍ବରମଙ୍କୁ ଭେଟିବା ପରେ କିଛି ଏହିପରି ଟୁଇଟ କରିଛନ୍ତି ପି.ଚିଦାମ୍ବରମ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ହୁଷ୍ଟନରେ ଆୟୋଜିତ ହାଓଡି ମୋଦି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଓଡିଆରେ କହିଥିଲେ ଯେ ଭାରତରେ ସବୁ ଭଲ ଅଛି । ଏହାକୁ ନେଇ ଆଜି ଚିଦାମ୍ବରମ ଏଭଳି ଟିପ୍ପଣୀ କରିଛନ୍ତି । ପି.ଚିଦାମ୍ବରମଙ୍କୁ ସୋନିଆ ଓ ମନମୋହନ ଭେଟିବା ସମୟରେ ପୁଅ କାର୍ତି ଚିଦାମ୍ବରମ ବି ଉପସ୍ଥିତି ଥିଲେ । ସୋନିଆ ଓ ମନମୋହନ ଚିଦାମ୍ବରମଙ୍କୁ ଜେଲକୁ ଭେଟିବାକୁ ଯାଇଥିବାରୁ ଖୁସି ବ୍ୟକ୍ତ କରିଛନ୍ତି ପୁଅ କାର୍ତି । ଆଇଏନଏକ୍ସ ମିଡିଆ ମାମଲା ଓ ମନି ଲଣ୍ଡ୍ରିଙ୍ଗ ମାମଲାରେ ଗତ କିଛି ଦିନ ତଳେ ଗିରଫ ହୋଇ ତିହାଡ ଜେଲରେ ଅଛନ୍ତି ପି.ଚିଦାମ୍ବରମ ।