ସାମନାକୁ ଆସିଲା ଚାଂଚଲ୍ୟକର ତଥ୍ୟ : ପୁଲିସ ଜାରି କଲା ବିଜେଡି କାଉନସିଲର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କୃଷ୍ଣ ନାୟକଙ୍କ କଲ୍ ରେକର୍ଡ
କନକ ବ୍ୟୁରୋ : ଛତ୍ରପୁର କାଉନସିଲର୍ ଲକ୍ଷ୍ମୀଦତ୍ତ ପ୍ରଧାନଙ୍କ ହତ୍ୟା ଘଟଣାରେ ଚାଂଚଲ୍ୟକର ତଥ୍ୟ ପଦାକୁ ଆସିଛି । ପୁଲିସ ସୂତ୍ରରୁ ମିଳିଥିବା ତଥ୍ୟ ଅନୁସାରେ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ କୃଷଚନ୍ଦ୍ର ନାୟକ, ବିଜେପି ମୁଖପାତ୍ର ଗୋଲକ ମହାପାତ୍ରଙ୍କୁ ହତ୍ୟାକାଣ୍ଡର ଠିକ୍ ଗୋଟିଏ ଦିନ ପୂର୍ବରୁ , ହତ୍ୟାକାଣ୍ଡ ଦିନ ଏବଂ ଗିରଫ ହେବା ପର୍ଯ୍ୟନ୍ତ ଲଗାତାର ଯୋଗଯୋଗରେ ଥିଲେ । ଏ ସଂପର୍କିତ ସିଡିଆର ବା କଲ ଡିଟେଲ ରେକର୍ଡରୁ ଏହା ସ୍ପଷ୍ଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ସେପ୍ଟେମ୍ବର ୧୬ ତାରିଖ ଦିନ ପ୍ରାୟ ଗୋଟାଏରୁ ସାଢ଼େ ଗୋଟାଏ ମଧ୍ୟରେ ବିଜେଡି କାଉନସିଲର ଲକ୍ଷ୍ମୀଦତ୍ତ ପ୍ରଧାନଙ୍କ ଉପରେ ମରଣାନ୍ତକ ଆକ୍ରମଣ ହୋଇଥିଲା । ଆଉ ଏହି ଘଟଣାର ମାଷ୍ଟର ମାଇଣ୍ଡ ଥିଲେ ବିଜେପି ନେତା କୃଷ୍ଣ ନାୟକ । ଯିଏ, ଘଟଣା ଘଟିବାର ଗୋଟିଏ ଦିନ ପୂର୍ବରୁ ଗିରଫ ହେବା ପର୍ଯ୍ୟନ୍ତ ବିଜେପି ମୁଖପାତ୍ର ଗୋଲକ ନାୟକଙ୍କ ସହ ୨୬ ଥର ଫୋନରେ କଥା ହୋଇଛନ୍ତି । ଏହା ଭିତରେ ଦୁଇ-ଦୁଇଟି ନମ୍ବର ବଦଳାଇଛନ୍ତି କୃଷ୍ଣ ନାୟକ । ହେଲେ ଗୋଲକ ମହାପାତ୍ର, ଏହି ଗୋଟିଏ ନମ୍ବରରେ ହିଁ କ୍ରମାଗତ ଭାବରେ ଯୋଗାଯୋଗରେ ଥିଲେ । ସିଡିଆର ରିପୋର୍ଟ ମୁତାବକ, ଘଟଣା ଘଟିବା ଦିନ ପୂର୍ବରୁ ଅର୍ଥାତ୍ ୧୫ ସେପଟେମ୍ବରରେ ଅଭିଯୁକ୍ତ କୃଷ୍ଣ ଥିଲେ ଗୋଳନ୍ଥରାରେ । ଗୋଲକଙ୍କ ସହ କଥା ହେବା ପରେ ସିଧାସଖଳ ଛତ୍ରପୁର ଆସିଥିଲେ କୃଷ୍ଣ । ପରେ, ପୁଟ୍ଟୀ ଗୋପାଳପୁର । ଗୋଲକଙ୍କ ସହ କଥା ହେବା ପରେ ଗୋଟିଏ ଦିନରେ ୩-୩ଟି ସ୍ଥାନ ବଦଳାଇଥିଲେ କୃଷ୍ଣ ।
୧୬ ତାରିଖ ଦିନ ଘଟଣା ଘଟାଇବା ପରେ ଅର୍ଥାତ୍ ହତ୍ୟାକାଣ୍ଡର ପାଖାପାଖି ୫ ଘଂଟା ପରେ ଗୋଲକଙ୍କୁ ପୁଣି ଫୋନ୍ କରି, କଟକ ପଳାଇ ଆସିଥିଲେ । ୧୭ ତାରିଖରେ ଗୋଲକଙ୍କ ସହ ଯୋଗାଯୋଗରେ ରହି ପୁଣି ୩ଟି ସ୍ଥାନ ପରିବର୍ତନ କରିଥିଲେ ଏହି ମାଷ୍ଟରମାଇଣ୍ଡ । ୧୩ ଦିନ ପରେ ବଦଳି ଯାଇଥିଲା ଏହି ମାଷ୍ଟର ମାଇଣ୍ଡଙ୍କ ମୋବାଇଲ ନମ୍ବର । ଗୋଲକଙ୍କ ସହ ଯୋଗାଯୋଗ କରି ସିଧା ଉତ୍ତରାଖଣ୍ଡରେ ପହଂଚିଥିଲେ କୃଷ୍ଣ । ଆଉ ଆଶ୍ଚର୍ଯ୍ୟର କଥା ହେଉଛି, ଗୋଲକଙ୍କ ସହ କଥା ହେବା ପରେ ଉତ୍ତରାଖଣ୍ଡର ଡେରାଡୁନର ସିଦ୍ଧାର୍ଥ ହୋଟେଲରେ ପହଂଚିଥିଲେ କୃଷ୍ଣ ନାୟକ । ଅକ୍ଟୋବର ୧ ତାରିଖରୁ ୨୨ ତାରିଖ ଯାଏଁ, କୃଷ୍ଣ-ଗୋଲକଙ୍କ ସହ ଯୋଗାଯୋଗରେ ଥିଲା, ଏବଂ ପ୍ରାୟ ୧୮ ଥର ହୋଟେଲ ଲୋକେସନରୁ ଗୋଲକଙ୍କ ସହ ଫୋନରେ କଥା ହୋଇଥିଲେ ।
ସେପଟେ ଆଜି ଏକ ସାମ୍ବାଦିକ ସମ୍ମିଳନୀରେ ମୁହଁ ଖୋଲିଛନ୍ତି ବିଜେପି ମୁଖପାତ୍ର ଗୋଲକ ମହାପାତ୍ର । ଛତ୍ରପୁର କାଉନସିଲର ହତ୍ୟା ଘଟଣାରେ ସ୍ପଷ୍ଟୀକରଣ ରଖିବା ସହ ଫସାଇବାକୁ ଷଡଯନ୍ତ୍ର କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ସଫେଇ ରଖିଛନ୍ତି । ଅନ୍ୟପଟେ ଜିଲ୍ଲା ପ୍ରଭାରୀ ଦଳୀୟ ନେତାଙ୍କ ସହ କଥା ହେବାରେ ଅସୁବିଧା କେଉଁଠି ବୋଲି କହିଛନ୍ତି ।