ରିମାଣ୍ଡରେ ଯିବେ ଛତ୍ରପୁର କାଉନସିଲର ହତ୍ୟା ମାମଲାର ୨ ମୁଖ୍ୟ ଅଭିଯୁକ୍ତ ! ଗତକାଲି ଗିରଫ କରିଥିଲା ପୋଲିସ
କନକ ବ୍ୟୁରୋ : ରିମାଣ୍ଡରେ ଯିବେ ଛତ୍ରପୁର କାଉନସିଲର ଲକ୍ଷ୍ମୀଦତ ପ୍ରଧାନ ହତ୍ୟା ମାମଲାର ଅଭିଯୁକ୍ତ । ଏହି ମାମଲାର ଦୁଇ ମୁଖ୍ୟ ଅଭିଯୁକ୍ତଙ୍କୁ ୭ ଦିନିଆ ରିମାଣ୍ଡରେ ନେବ ପୋଲିସ । ଏଥିପାଇଁ ଗଞ୍ଜାମ ପୋଲିସକୁ ଅନୁମତି ଦେଇଛନ୍ତି ଏସଡିଜେଏମ କୋର୍ଟ । ଆସନ୍ତା ୩୧ ତାରିଖରୁ ଅଭିଯୁକ୍ତ କୃଷ୍ଣଚନ୍ଦ୍ର ନାୟକ ଓ ଦୁର୍ଯ୍ୟୋଧନ ରେଡ୍ଡୀଙ୍କୁ ୭ ଦିନିଆ ରିମାଣ୍ଡରେ ନେବ ପୋଲିସ । ଗତକାଲି ଦୁଇ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ କୃଷ୍ଣଚନ୍ଦ୍ର ନାୟକ ଗତକାଲି ଗରିଫ ହେବା ପରେ ବିଜେପି ମୁଖପାତ୍ର ଗୋଲକ ନାୟକଙ୍କ ନାଁ ସାମ୍ନାକୁ ଆସିଥିଲା । ହତ୍ୟାକାଣ୍ଡ ପରେ କେଉଁଠି ରହିବେ ଆଉ ମାମଲାରୁ କେମିତି ମୁକୁଳିବେ ଏନେଇ ବିଜେପି ମୁଖପାତ୍ର ଗୋଲକ ମହାପାତ୍ରଙ୍କ ସାହାଯ୍ୟ ନେଉଥିଲେ ହତ୍ୟା ଅଭିଯୁକ୍ତ କୃଷ୍ଣ ନାୟକ । ଛତ୍ରପୁର କାଉନସିଲର ଲକ୍ଷ୍ମୀଦତ ପ୍ରଧାନ ହତ୍ୟା ମାମଲାରେ ମୁଖ୍ୟ ଷଡଯନ୍ତ୍ରକାରୀ ପୋଲିସ ହାତରେ ଧରାପଡିବା ପରେ ଏହି ଚାଂଚଲ୍ୟକର ତଥ୍ୟ ସାମ୍ନାକୁ ଆସିଛି । ଫଳରେ ବିଜେପି ଏବେ ଆସିଛି ବ୍ୟାକଫୁଟକୁ । ହେଲେ ବିଜେପି ମୁଖପାତ୍ର କହିଛନ୍ତି, ଏହା ରାଜନୈତିକ ଆକ୍ରୋଶ ।