କନକ ବ୍ୟୁରୋ : ମହାନଦୀ ପାଣିରୁ ଉଦ୍ଧାର ହୋଇଥିବା ସୋନି ଯାଦବ ଜୀବନରେ ଆସିଛି ନୂଆ ମୋଡ। ମହାନଦୀ ପାଣିରେ ଭାସି ଆସଥିବା ସୋନି ଉଦ୍ଧାର ହେବା ପରେ ନିଜ ଗାଁକୁ ଯାଇଥିଲ ସତ । କିନ୍ତୁ ବାପାମାଆ ଛେଉଣ୍ଡ ସୋନି ଭିତରେ ସୃଷ୍ଟି ହୋଇଥିଲା ଭାବ ପ୍ରବଣତା । ଆଉ ପୁଣି ଫେରି ଆସିଛନ୍ତି ତାଙ୍କୁ ଉଦ୍ଧାର କରିଥିବା ମତ୍ସ୍ୟଜୀବୀ ପରିବାରକୁ , ଓଡିଶାର କୁଶମେଲ ଗାଁକୁ।
Kanak News is now on WhatsApp
Join and get latest news updates delivered to you via WhatsApp
ଏମାନଙ୍କୁ ଦ୍ୱିତୀୟ ବାପାମାଆ ବୋଲି କହିଛନ୍ତି ସୋନି ଏବଂ ତାଙ୍କୁ ମଧ୍ୟ ନିଜ ଝିଅ ବୋଲି ଗ୍ରହଣ କରିନେଇଛନ୍ତି ସନ୍ନ୍ୟାସୀ କାଲୋଙ୍କ ପରିବାର। ଏନେଇ ସୋନି ସାରଙ୍ଗଗଡ ଥାନାରେ ଲିଖିତ ଭାବେ ଜଣାଇସାରିଛନ୍ତି । ଏନେଇ କାଲୋ ଦଂପତି ମଧ୍ୟ ରେଙ୍ଗାଲି ଥାନାକୁ ଜଣାଇଛନ୍ତି । ଏପଟେ ସୋନି ଫେରି ଆସିବା ପରେ ସ୍ଥାନୀୟ ଲୋକେ ବି ଖୁସି ।
ସୋନି ଯାଦବ ଚନ୍ଦ୍ରହାସିନୀ ମନ୍ଦିର ନିକଟରେ ମହାନଦୀରେ ହାତଗୋଡ ଧୋଉଥିବା ବେଳେ ଗୋଡ ଖସିଯାଇଥିଲା ଏବଂ ପାଣି ସୁଅର ସେ ଭାସିଯାଇଥିଲେ । ୧୨ ଘଂଟାରୁ ଅଧିକ ସମୟ ମହାନଦୀର ସୁଅରେ ଜୀବନ ସଂଘର୍ଷ ପରେ ଉଦ୍ଧାର ପାଇଲେ ଝାରସୁଗୁଡାରେ । ଏହା ପରେ ଯାହା ଘଟିଲା ତାହା ନୂଆ କାହାଣୀ ସୃଷ୍ଟି କଲା । ଛତିଶଗଡ ଓ ଓଡିଶା ଭିତରେ ମହାନଦୀ ପାଣି ନେଇ ବିବାଦ ବଢିବାରେ ଲାଗିଥିବା ବେଳେ ଏହି ପାଣି ଦୁଇ ରାଜ୍ୟର ସାଧାରଣ ଲୋକଙ୍କ ମଧ୍ୟରେ ଗଢିଛି ଏକ ନୁତନ ସଂପର୍କର ସେତୁ ।