ଆଇପିଏଲ ସିଜିନ ୧୧ର ପ୍ରଥମ ହାଇଭୋଲଟେଜ ମୁକାବିଲାରେ ଚେନ୍ନାଇ ସୁପର କିଙ୍ଗସ ୧ ୱିକେଟରେ ଡିଫେଣ୍ଡି ଚାମ୍ପିୟନ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରି ଏକ ଦମଦାର ସିଜିନ ଆରମ୍ଭ କରିଛି । ବ୍ରାଭୋଙ୍କ ବିସ୍ପୋରକ ବ୍ୟାଟିଂ ବଳରେ ଏକ ରୋମାଞ୍ଚକର ମୁକାବିଲାରେ ବିଜୟ ହାସଲ କରିଛି ଚେନ୍ନାଇ । ମୁମ୍ବାଇ ହାତରୁ ଏକ ନିଶ୍ଚିତ ବିଜୟ ଛଡାଇ ଆଣିଛି ଚେନ୍ନାଇ । ଶେଷ ଓଭର ପର୍ଯ୍ୟନ୍ତ ମ୍ୟାଚର ରୋମାଞ୍ଚ ଦେଖିବାକୁ ମିଳିଥିଲା । ୱିକେଓ ଓ ରନ ମଧ୍ୟରେ ଲୁଚକାଳି ଖେଳ ଚାଲିଥିବା ବେଳେ ବ୍ରାଭୋ ଗୋଟିଏ ପଟରେ ରହି ଚେନ୍ନାଇକୁ ବିଜୟର ଦ୍ୱାର ଦେଶରେ ପହଞ୍ଚାଇଥିଲେ । ଆଉ ଏହି ବିଜୟର ମୁଣ୍ଡି ମାରିଥିଲେ କେଦାର ଯାଦବ । ଦୁଇବର୍ଷ ପରେ ଆଇପିଏଲକୁ ଫେରିଥିବା ଚେନ୍ନାଇ ମୁମ୍ବାଇକୁ ହରାଇ ଏକ ଦମଦାର ସିଜିନ ଆରମ୍ଭ କରିଛି । ବ୍ରାଭୋ ୩୦ଟି ବଲରୁ ଧୂଆଁଧାର ୬୮ ରନ କରିଥିବା ବେଳେ ଏଥିରେ ରହିଥିଲା ୭ଟି ବିଶାଳ ଛକା ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇ ୱାଙ୍ଖଡେ ଷ୍ଟାଡିୟମରେ ଚଳିତ ସିଜିନର ପ୍ରଥମ ମ୍ୟାଚରେ ଚେନ୍ନାଇ ଟସ୍ ଜିତିବା ପରେ ବୋଲିଂ କରିବାକୁ ନିଷ୍ପତି ନେଇଥିଲା । ଆଉ ଧୋନୀଙ୍କ ନିଷ୍ପତିଙ୍କ ସଠିକ୍ ପ୍ରମାଣିତ କରିଥିଲେ ଚେନ୍ନାଇର ବୋଲର । ମାତ୍ର ୨୦ ରନରେ ୨ଟି ୱିକେଟ ହରାଇବା ସହ ପ୍ରାରମ୍ଭିକ ଝଟକା ଲାଗିଥିଲା ମୁମ୍ବାଇକୁ । ତେବେ ଏହାପରେ ଇନିଂସକୁ ଆଗେଇ ନେଇଥିଲେ ଦୁଇ ଯୁବ ଭାରତୀୟ କ୍ରିକେଟର ଇଶାନ କିଷାନ ଓ ସୂର୍ଯ୍ୟ କୁମାର ଯାଦବ । ଉଭୟ ଚେନ୍ନାଇ ବୋଲରଙ୍କ ନିର୍ଦ୍ଧୁମ ପିଟିବା ସହ ଦଳୀୟ ସ୍କୋରକୁ ୯୮ ପାର କରିଥିଲେ । ଚେନ୍ନାଇ ବୋଲରଙ୍କ ମାପଚୁପ ବୋଲିଂ ଆଗରେ ମାତ୍ର ୧୬୫ ରନ କରିବାକୁ ସକ୍ଷମ ହୋଇଥିଲା ମୁମ୍ବାଇ । ଆଉ ଏହାକୁ ବେଶ ସହଜରେ ହାସଲ କରି ନେଇଥିଲା ଚେନ୍ନାଇ । ମ୍ୟାଚ ବିଜୟୀ ଇନିଂସ ପାଇଁ ବ୍ରାଭୋ ମ୍ୟାନ ଅଫ୍ ଦ ମ୍ୟାଚ ଟ୍ରଫି ହାସଲ କରିଛନ୍ତି ।