ଧୋନୀଙ୍କ ବିନା ବ୍ୟାଟିଂରେ ଫେଲ୍ ମାରିଲା ଚେନ୍ନାଇ ! ୧୩୨ ରନରେ ସୀମିତ ରହିଲା ଦଳୀୟ ସ୍କୋର ।
କନକ ବ୍ୟୁରୋ : ଦୀର୍ଘ ଦିନ ପରେ କ୍ୟାପଟେନ୍ କୁଲ୍ ମହେନ୍ଦ୍ର ସିଂହ ଧୋନୀଙ୍କ ବିନା ପଡିଆକୁ ଓହ୍ଲାଇଛି ଚେନ୍ନାଇ ସୁପରକିଙ୍ଗସ । ଏବଂ ଧୋନୀଙ୍କ ଅନୁପସ୍ଥିତିରେ ବ୍ୟାଟିଂରେ ଫେଲ୍ ମାରିଛି ଦଳ । ଆଜି ହାଇଦ୍ରାବାଦର ରାଜୀବ ଗାନ୍ଧି ଇଣ୍ଟର ନ୍ୟାସନାଲ ଷ୍ଟାଡିୟମରେ ମୁହାଁମୁହିଁ ହେଉଛନ୍ତି ଦୁଇ ଶକ୍ତିଶାଳୀ ଦଳ ଚେନ୍ନାଇ ସୁପରକିଙ୍ଗସ ଏବଂ ସନ ରାଇଜର୍ସ ହାଇଦ୍ରାବାଦ । ଚେନ୍ନାଇ ପ୍ରଥମେ ଟସ୍ ଜିତି ବ୍ୟାଟିଂ କରିବାର ନିଷ୍ପତି ନେଇଥିଲା । ତେବେ ନିର୍ଦ୍ଧାରିତ ଓଭରରେ ୫ ୱିକେଟ୍ ହରାଇ ୧୩୨ ରନ୍ ସଂଗ୍ରହ କରିଛି ଚେନ୍ନାଇ ସୁପରକିଙ୍ଗସ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ପ୍ରାରମ୍ଭିକ ବ୍ୟାଟ୍ସମ୍ୟାନ ସେନ୍ ୱାଟସନ୍ ଏବଂ ଫାଫ୍ ଡୁପ୍ଲେସିସ ଭଲ ଆରମ୍ଭ କରିଥିଲେ ସୁଦ୍ଧା ପରବର୍ତ୍ତୀ ସମୟରେ ହାଇଦ୍ରାବାଦ ବୋଲିଂ ବାହିନୀ ଆଗରେ ଫେଲ୍ ମାରିଛି ଚେନ୍ନାଇ । ପ୍ରଥମ ଓ୍ଵିକେଟରେ ଦଳ ୭୯ ରନ ସଂଗ୍ରହ କରିଥିଲା । ଓପନର ସେନ ଓ୍ଵାଟସନ ୩୧ରନ ଓ ଫାପ ଡୁପ୍ଲେସିସ ୪୫ ରନ ସଂଗ୍ରହ କରିଥିଲେ । କିନ୍ତୁ ଓପନିଂ ଯୋଡ଼ି ଭାଙ୍ଗିବା ପରେ ଦଳର ନିୟମିତ ବ୍ୟବଧାନରେ ଓ୍ଵିକେଟ ହରାଇଥିଲା ଦଳ । ନିର୍ଦ୍ଧାରିତ ୨୦ ଓଭରରେ ୫ ୱିକେଟ ହରାଇ ୧୩୨ ରନ ସଂଗ୍ରହ କରିଛି ଦଳ । ୱାଟସନ୍ ୩୧ ରନ, ଡୁପ୍ଲେସିସ ୪୫ ଏବଂ ରାଇଡୁ ୨୫ ରନ କରିଛନ୍ତି । ସେପଟେ ହାଇଦ୍ରାବାଦ ପକ୍ଷରୁ ରାସିଦ ଖାନ ୨ଟି ୱିକେଟ୍ ଅକ୍ତିଆର କରିଛନ୍ତି ।