ସାବାଡ ହେବେ ନିଶାଖୋର କର୍ମଚାରୀ । ଏଣିକି ମଦ୍ୟପାନ ତଥା ନିଶାଶକ୍ତ ଅବସ୍ଥାରେ ଅଫିସ ଆସିଲେ ଧରାଇଦେବ ମେସିନ୍ । ଆଉ ଏହାର ସୂଚନା ସିଧା କଂପାନୀର ଏଚଆରଙ୍କ ନିକଟକୁ ପଠାଇଦେବ ଏହି ସ୍ମାର୍ଟ ମେସିନ । ଚେନ୍ନାଇର ରେମକୋ ନାମକ କଂପାନୀ ଏଭଳି ଏକ ସିଷ୍ଟମ ପ୍ରସ୍ତୁତ କରିଛି, ଯାହାକି କର୍ମଚାରୀଙ୍କର କେବଳ ଚେହେରା ଦେଖି ହିଁ ଜଣାପଡିଯିବ କି ସେ ନିଶାରେ ଅଛନ୍ତି କି ନାହିଁ , ଆଉ ଯଦିବି ଅଛନ୍ତି ତେବେ ସେ କେତେମାତ୍ରାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫେସିଆଲ ରିକଗନିସନ ଆଟେଣ୍ଡାନ୍ସ ସିଷ୍ଟମ(Facial Recognition Attendance System) ଏଭଳି ଏକ ସିଷ୍ଟମ ଯେଉଁଥିରେ କର୍ମଚାରୀଙ୍କ ନିଶ୍ୱାସରୁ ହିଁ ଜଣାପଡିଯିବ କି ସେ କେତେ ନିଶାରେ ଅଛନ୍ତି । ଏହି ସିଷ୍ଟମରେ ଏଭଳି ଟେକନିକ ବ୍ୟବହାର କରାଯାଇଛି, ଯେଉଁଥିରେ କୌଣସି ବି ନିଶାଶକ୍ତ କର୍ମଚାରୀଙ୍କ ମୁହଁ ଦେଖି ହିଁ ତାର ସୂଚନା ତତକ୍ଷଣାତ୍ ଏଚଆରଙ୍କ ନିକଟରେ ପହଂଚାଇଦେବ ।
ତେବେ କଂପାନୀର ଦାବି ରହିଛି ଯେ, ଏହି ଶତପ୍ରତିଶତ ସଠିକ୍ ସୂଚନା ଦେବ । ଏହି ଟେକନିକରୁ ଅଫିସରେ ନିଶା ଖାଇ ବସୁଥିବା କର୍ମଚାରୀଙ୍କୁ ତୁରନ୍ତ ଧରାପଡିବେ । କଂପାନୀ ଅନୁସାରେ, ଏହି ସିଷ୍ଟମରେ ବର୍ତ୍ତମାନ ଆଲକହଲ ନେଉଥିବା କର୍ମଚାରୀଙ୍କର ଚିହ୍ନଟ କରିହେବ । କିନ୍ତୁ କଂପାନୀ ତରଫରୁ ଖୁବ୍ ଶୀଘ୍ର ଏଭଳି ସିଷ୍ଟମ ପ୍ରସ୍ତୁତ କରାଯାଉଛି, ଯେଉଁଥିରେ ଡ୍ରେଗ୍ସ ନେଉଥିବା ବ୍ୟକ୍ତିଙ୍କୁ ବି ଅତି ସହଜରେ ଚିହ୍ନଟ କରାଯାଇପାରିବ ।