ଟଳିଲା ଚନ୍ଦ୍ରାୟନ-୨ ମିଶନ: ଡିସେମ୍ବର ଯାଏଁ ଅଭିଯାନକୁ ଘୁଂଚାଇଲା ଇସ୍ରୋ, ଯାନ୍ତ୍ରିକ ତ୍ରୁଟି ଯୋଗୁଁ ବଦଳିଲା ନିଷ୍ପତି
କନକ ବ୍ୟୁରୋ: ଭାରତର ମହତ୍ୱକାଂକ୍ଷୀ ଚନ୍ଦ୍ରଯାନ-୨ ମିଶନ ପୁଣି ଘୁଂଚିଛି । ଚଳିତ ବର୍ଷ ଅକ୍ଟୋବର ପ୍ରଥମ ସପ୍ତାହରେ ଚନ୍ଦ୍ରଯାନ-୨କୁ ମହାକାଶ ପଠାଇବା ପାଇଁ ସ୍ଥିର ହୋଇଥିଲା । ହେଲେ ଇସ୍ରୋ ଏବେ ଚନ୍ଦ୍ରଯାନ-୨ ମିଶନକୁ ଆସନ୍ତା ଡିସେମ୍ବର ଯାଏଁ ଟାଳି ଦେଇଥିବା ସୂଚନା ମିଳିଛି । ଯାନ୍ତ୍ରିକ ତ୍ରୁଟି ଯୋଗୁଁ ଡେରି ହେଉଥିବା କୁହାଯାଇଛି । ଫଳରେ ଚନ୍ଦ୍ରରେ ପହଂଚିବା ଦୌଡରେ ଇସ୍ରାଏଲ ଠାରୁ ଭାରତ ପଛରେ ପଡିଯାଇପାରେ ଏପରି ସମ୍ଭାବନା ଦେଖା ଦେଇଛି । ପୂର୍ବରୁ ଆମେରିକା, ରୁଷ ଓ ଚୀନ ଚନ୍ଦ୍ର ପୃଷ୍ଠରେ ନିଜ ଉପସ୍ଥିତି ଜାହିର କରିସାରିଛନ୍ତି । ଏବେ ଚତୁର୍ଥ ରାଷ୍ଟ୍ର ଭାବେ ଚନ୍ଦ୍ର ଯାଏଁ ପହଂଚିବା ଦୌଡରେ ଏସିଆର ଦୁଇ ରାଷ୍ଟ୍ର ଭାରତ ଓ ଇସ୍ରାଏଲ ମଧ୍ୟରେ ପ୍ରତିଯୋଗିତା ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ଦେଖିବା କଥା ଭାରତ ମିଶନ ଟାଳି ଦେଇଥିବାରୁ ଚତୁର୍ଥ ରାଷ୍ଟ୍ର ଭାବେ ଚନ୍ଦ୍ରରେ ପାଦ ଦେବକି ଇସ୍ରାଏଲ । ତେବେ ଚନ୍ଦ୍ରଯାନ-୨ ମିଶନ ଟଳିବାର ମୁଖ୍ୟ କାରଣ ଯାନ୍ତ୍ରିକ ତ୍ରୁଟି ବୋଲି କୁହାଯାଇଛି । ପୂର୍ବରୁ ଗତ ବର୍ଷ ଅପ୍ରେଲ ୨୩ ତାରିଖରେ ଚନ୍ଦ୍ରଯାନ-୨କୁ ଉତକ୍ଷେପଣ ଧାଯ ର୍୍ୟ ହୋଇଥିଲା । ହେଲେ ସମୟରେ ମଧ୍ୟ ଯାନ୍ତ୍ରିକ ତ୍ରୁଟି ଯୋଗୁଁ ଭାରତର ମହତ୍ୱକାଂକ୍ଷୀ ଚନ୍ଦ୍ରଯାନ-୨ ମିଶନ ଘୁଂଚିଥିଲା । ସଂପୂର୍ଣ୍ଣ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଚନ୍ଦ୍ରଯାନ-୨ର ଓଜନ ୩ହଜାର ୨୯୦ କିଲୋଗ୍ରାମ ।
ଏହାର ନିର୍ମାଣ ବାବଦକୁ ହଲିଉଡ ଫିଲ୍ମ ଠାରୁ ମଧ୍ୟ କମ ଖର୍ଚ୍ଚ ହୋଇଛି । ମହାକାଶ ସଂପର୍କିତ ବିଷୟକୁ ନେଇ ନିର୍ମିତ ହଲିଉଡ ମୁଭି ଇଂଟରଷ୍ଟେଟଲ ବାବଦକୁ ଟଙ୍କା ଖର୍ଚ୍ଚ ହୋଇଛି ୧ହଜାର ୬୨ କୋଟି । ହେଲେ ଚନ୍ଦ୍ରଯାନ-୨ ବାବଦକୁ ଖର୍ଚ୍ଚ ହୋଇଛି ୮ଶହ କୋଟି ଟଙ୍କା । ତେଣୁ ଏହା ଉପରେ ସାରା ବିଶ୍ୱର ନଜର ରହିଛି ।