ଚାମ୍ପିଅନ୍ସ ଟ୍ରଫି ସେମିଫାଇନାଲରେ ଏସୀୟ ଦଳଙ୍କ ଭିଡ ! ରୋମାଂଚକର ମ୍ୟାଚରେ ଶ୍ରୀଲଙ୍କାକୁ ହରାଇ ସେମିରେ ପାକିସ୍ତାନ
କନକ ବ୍ୟୁରୋ : ସୋମବାର ଗ୍ରୁପ ବି’ର ସଂଘର୍ଷପୂର୍ଣ ଲିଗ୍ ମ୍ୟାଚରେ ଶ୍ରୀଲଙ୍କାକୁ ୩ ୱିକଟରେ ପାକିସ୍ତାନ ପରାସ୍ତ କରିଛି । ଏହାସହ ସେମି ଫାଇନାଲକୁ ପ୍ରବେଶ କରିଛି ପାକିସ୍ତାନ । ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ୪୯.୨ ଓଭରରେ ସମସ୍ତ ୱିକେଟ ହରେଇ ୨୩୬ରନ୍ ସଂଗ୍ରହ କରିଥିଲା । ଜବାବରେ ପାକିସ୍ତାନର ବ୍ୟାଟିଂରେ ବିପର୍ଯ୍ୟୟ ଘଟିଥିବା ସତ୍ୱେ ଅଧିନାୟକ ସର୍ଫରାଜଙ୍କ ଅପରାଜିତ ୬୧ ରନ ଓ ଅମିରଙ୍କ ଉପଯୋଗୀ ୨୮ ରନ ପାକିସ୍ତାନକୁ ବିଜୟର ସ୍ୱାଦ ଚଖାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମ୍ୟାଚରେ ମ୍ୟାନ ଅଫ ଦି ମ୍ୟାଚ ଅଧିନାୟକ ସର୍ଫରାଜ ହୋଇଥିବା ବେଳେ ପାକିସ୍ତାନ ବୁଧବାର ଦିନ ପ୍ରଥମ ସେମିଫାଇନାଲରେ ଗ୍ରୁପ୍ ଏ’ ଟେବୁଲ ଟପ୍ପର ଇଂଲଣ୍ଡକୁ ଭେଟିବ । ସେପଟେ ଗୁରୁବାର ଦିନ ବାଂଲାଦେଶକୁ ଭେଟିବ ଭାରତ । କ୍ରିକେଟ ପ୍ରେମୀ ଆଶା ରଖିଛନ୍ତି ଯେ, ସେମିଫାଇନାଲରେ ଇଂଲଣ୍ଡକୁ ହରାଇ ପାକିସ୍ତାନ ଫାଇନାଲକୁ ପ୍ରବେଶ କରୁ ଏବଂ ବାଂଲାଦେଶକୁ ହରାଇ ଭାରତ ଫାଇନାଲ ଖେଳୁ । ତେବେ ସୁପର ସଣ୍ଡେ ଫାଇନାଲ ମ୍ୟାଚରେ ଭାରତ ଓ ପାକିସ୍ତାନର ଟକ୍କର ଦେଖିବାକୁ ଚାହାନ୍ତି କ୍ରିକେଟପ୍ରେମୀ ।