ଆଜି ଶ୍ରୀଲଙ୍କା ବିପକ୍ଷରେ ପଡିଆକୁ ଓହ୍ଲାଇବ ଭାରତୀୟ ଦଳ : ପାକ୍ ଶିକାର ପରେ ବିରାଟ ବାହିନୀର ମନୋବଳ ଆକାଶଛୁଆଁ
କନକ ବ୍ୟୁରୋ : ଚାମ୍ପିଅନ୍ସ ଟ୍ରଫିରେ ଆଜି ଟିମ୍ ଇଣ୍ଡିଆ ତାର ଦ୍ୱିତୀୟ ମ୍ୟାଚ୍ ଖେଳିବାକୁ ଯାଉଛି । ଆଜି ଲଣ୍ଡନରେ ଶ୍ରୀଲଙ୍କା ବିପକ୍ଷରେ ପଡ଼ିଆକୁ ଓହ୍ଲାଇବ ଭାରତୀୟ ଦଳ । ପ୍ରଥମ ମ୍ୟାଚରେ ପାକିସ୍ତାନକୁ ବଡ଼ ବ୍ୟବଧାନରେ ପରାସ୍ତ କରିବା ପରେ ଡିଫେଣ୍ଡିଂ ଚାମ୍ପିଅନ ଭାରତର ମନୋବଳ ଏବେ ଆକାଶଛୁଆଁ । ସବୁ ବିଭାଗରେ ଶ୍ରୀଲଙ୍କାଠାରୁ ଉନ୍ନତ ମନେହେଉଛି ଭାରତ । ତା ସହ ସାଙ୍ଗାକାରା, ଜୟବର୍ଧନେ ଓ ଦିଲସାନଙ୍କ ପରି ଖେଳାଳିଙ୍କ ଅବସର ପରେ ସିଂହଳି ଦଳ ମଧ୍ୟ ଦୁର୍ବଳ ହୋଇପଡିଛି । ତେଣୁ ଆଜିର ମ୍ୟାଚ୍ ଜିତି ସେମିଫାଇନାଲ ଟିକେଟ ପକ୍କା କରିବା ଲକ୍ଷ୍ୟରେ ରହିଛି ବିରାଟ କୋହଲିଙ୍କ ଦଳ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକାଠାରୁ ପରାସ୍ତ ହୋଇଥିବା ଶ୍ରୀଲଙ୍କା ପାଇଁ ଆଜିର ମ୍ୟାଚ୍ କର ବା ମର ସଦୃଶ ହୋଇଛି । ଲଣ୍ଡନ ମ୍ୟାଚରେ ବର୍ଷା ବାଧକ ହେବାର ଆଶଙ୍କା ରହିଛି । ଆଜିର ମ୍ୟାଚ ବେଳେ ୪୦ ପ୍ରତିଶତ ବର୍ଷା ଆଶଙ୍କା ରହିଛି । ତେଣୁ ଟସ୍ ଗୁରୁତ୍ୱପୂର୍ଣ ଭୂମିକା ନେବା ସହ ଦ୍ୱିତୀୟରେ ବ୍ୟାଟିଂ କରୁଥିବା ଦଳ ଫାଇଦାରେ ରହିବ ବୋଲି କୁହାଯାଉଛି ।