କନକ ବ୍ୟୁରୋ : ସୁନ୍ଦରଗଡ଼ରେ ଚକଡ଼ା ଚଡ଼କ । ବରଗଡ଼ରେ ଚକଡ଼ା ଚାଂଚଲ୍ୟରେ ସାରା ରାଜ୍ୟ ହତବାକ୍ ହୋଇ ଯାଇଥିବା ବେଳେ ସୁନ୍ଦରଗଡ଼ ଚାଷୀ, ଧାନ କ୍ଷେତକୁ ଦୁଃଖଭରା ଆଖିରେ ଚାହିଁରହିଛି । ଏବର୍ଷ ସୁନ୍ଦରଗଡ ଜିଲ୍ଲା଼ରେ ଭଲ ଧାନ ହୋଇଥିଲା, ଚାଷୀ ଆଶା କରିଥିଲା ଭଲ ଅମଳ କରିବ । ହେଲେ ଶେଷ ମୁହୁର୍ତରେ ଧାନକୁ ଚଷୁ କରିଦେଇଛି ଚକଡ଼ା । ଧାନ କେଣ୍ଡାରୁ ଧାନ ଆଣି ହାତରେ ମଳିଦେଲେ ସବୁ ଗୁଣ୍ଡ ହୋଇଯାଉଛି । ଏହା ସହ ମାସ ମାସ ଧରି ଫସଲକୁ ନେଇ ଚାଷୀ ଯେଉଁ ସ୍ୱପ୍ନ ଦେଖୁଥିଲା, ତାହା ଚୁରମାର ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲାର ବିଭିନ୍ନ ଅଂଚଳରେ ଚକଡ଼ାର ପ୍ରାଦୁର୍ଭାବ ଦେଖା ଯାଇଥିବା ବେଳେ ବାଲିଶଙ୍କରା ବ୍ଳକର ଖମପୁର ଅଂଚଳର ସ୍ଥିତି ଗମ୍ଭୀର । ହଜାର ହଜାର ଏକର ଜମିରେ ଚକଡ଼ା ଖାଇଦେଇଛି ଚାଷକୁ । ବାରମ୍ବାର କୀଟନାଶକ ପକାଇ ହତାଶ ହେବା ପରେ ବ୍ଲକ ଓ ଜିଲ୍ଲା କୃଷି କାର୍ଯ୍ୟାଳୟ ଯାଇ ଚାଷୀ ଦୁଃଖ ଜଣାଇଛି । ହେଲେ ସେମାନଙ୍କ ସମସ୍ୟା ପ୍ରତି ଆଡ ଆଖିରେ ବି ଚାହାନ୍ତି କୃଷି ଅଧିକାରୀ । ଏହିଭଳି ସଂଗୀନ ଅଭିଯୋଗ ଆଣିଛନ୍ତି ଚାଷୀ ।
ଫସଲ ନଷ୍ଟ ହେବା ପରେ ଏବେ କିପରି ପରିବାର ପ୍ରତିପୋଷଣ କରିବ, କିପରି ଋଣ ବୋଝରୁ ମୁକ୍ତ ହେବ, ଏହି ଚିନ୍ତା ଘାରିଛି ଚାଷୀକୁଳକୁ ।