‘କାଳିଆ’ ଉପରେ ଆଚରଣ ବିଧି ! ମୁଖ୍ୟ ନିର୍ବାଚନ ଅଧିକାରୀଙ୍କ ଉପରକୁ ଅଙ୍ଗୁଳି ଉଠାଇଲା ବିଜେଡି, କହିଲା ବିଜେପି ଚାପରେ ବନ୍ଦ କରାଯାଉଛି କାଳିଆ ଟଙ୍କା ।
କନକ ବ୍ୟୁରୋ : କାଳିଆ ଯୋଜନାରେ ଚାଷୀଙ୍କୁ ମିଳିବାକୁ ଥିବା ଆର୍ଥିକ ସହାୟତା ଦେଇପାରୁ ନାହାଁନ୍ତି ସରକାର । ଏଥିିପାଇଁ ନିର୍ବାଚନ ଅଧିକାରୀଙ୍କ ନାଁରେ ଅଭିଯୋଗ କରିଛି ବିଜେଡି । ଦଳ କହିଛି, ବିଜେପି ଚାପରେ ନିର୍ବାଚନ ଆଚରଣ ବିଧି ଆଳ ଦେଖାଇ ଏଭଳି କରୁଛନ୍ତି ନିର୍ବାଚନ ଅଧିକାରୀ । ଏହା ସହ କିଭଳି ପ୍ରଧାନମନ୍ତ୍ରୀ କିଷାନ ଯୋଜନାରେ ସହାୟତା ଦିଆଯାଉଛି ବୋଲି ପ୍ରଶ୍ନ କରିଛି ବିଜେଡି । ବିଜେପି କହିଛି ହାରିବା ଭୟରେ ଏପରି କହୁଛି ବିଜୁ ଜନତା ଦଳ ।
Kanak News is now on WhatsApp
Join and get latest news updates delivered to you via WhatsApp
‘କାଳିଆ’ ଉପରେ ଆଚରଣ ବିଧି? ବନ୍ଦ୍ ହୋଇଯିବ କି ‘କାଳିଆ’ ଟଙ୍କା? ନିର୍ବାଚନ ଅଧିକାରୀଙ୍କ ଉପରେ ବିଜେଡିର ଅଭିଯୋଗ । କାଳିଆ ଯୋଜନାରେ ଚାଷୀଙ୍କୁ ଦିଆଯାଉଥିବା ଆର୍ଥିକ ସହାୟତା ଉପରେ ବ୍ରେକ୍ ଲଗାଇ ଦେଇଛନ୍ତି ନିର୍ବାଚନ ଅଧିକାରୀ । ଏକ ସାମ୍ବାଦିକ ସମ୍ମିଳନୀ କରି ଏଭଳି ଅଭିଯୋଗ ଆଣିଛି ବିଜେଡି । ଦଳ କହିଛି ନିର୍ବାଚନ ଆଚରଣ ବିଧିର ଆଳ ଦେଖାଇ କାଳିଆ ଯୋଜନା ଉପରେ ଜାଣିଶୁଣି ଅଂକୁଶ ଲଗାଯାଇଛି ।
ଆଉ ଏହି ପରିସ୍ଥିତି ପାଇଁ ବିଜେପିକୁ ଦାୟୀ କରିଛି ବିଜେଡି । ବିଜେପି ଚାପରେ ରାଜ୍ୟର ଲକ୍ଷ ଲକ୍ଷ ଚାଷୀ କାଳିଆ ଯୋଜନାର ଆର୍ଥିକ ସହାୟତା ପାଇବାରେ ବଂଚିତ ହେବେ ବୋଲି ଆଶଙ୍କା କରାଯାଇଛି । ସେପଟେ ବିଜେପି କହିଛି ହାରି ଯିବା ଭୟରେ ଏଭଳି ଅଭିଯୋଗ ଆଣିଛି ବିଜେଡି । ଏହି ଅଭିଯୋଗ କରିବା ସହ ବିଜେଡି ପ୍ରଶ୍ନ କରିଛି କାଳିଆ ଯୋଜନା ବନ୍ଦ କରି ନିର୍ବାଚନ ଅଧିକାରୀ କିପରି କେନ୍ଦ୍ରର ପିଏମ କିଷାନ ଯୋଜନାରେ ସହାୟତା ରାଶି ପ୍ରଦାନ କରୁଛନ୍ତି ।