ଶତାବ୍ଦୀର ସବୁଠାରୁ ବୃହତ ଚନ୍ଦ୍ରଗହଣ ! ଆସନ୍ତା ୨୭ରେ ଦେଶର କୋଣ ଅନୁକୋଣରେ ଦେଖାଯିବ ବିରଳ ଲୋହିତ ବର୍ଣ୍ଣର ଚନ୍ଦ୍ର ।
ଏମ.ପି ବିର୍ଲା ପ୍ଲାନେଟୋରିୟମ ନିର୍ଦ୍ଦେଶକ ଦେବୀପ୍ରସାଦ ଦାଉରୀଙ୍କ କହିବା ମୁତାବକ ଆସନ୍ତା ଜୁଲାଇ ୨୭ ତାରିଖରେ ଭାରତରେ ଶତାବ୍ଦୀର ସବୁଠାରୁ ବୃହତ ଚନ୍ଦ୍ର ଗ୍ରହଣ ଦେଖାଯିବ । ଏବଂ ଯାହାକୁ ଦେଶର କୋଣ ଅନୁକୋଣରେ ଖାଲି ଆଖିରେ ଲୋକମାନେ ଦେଖିବାର ସୁଯୋଗ ପାଇବେ । ୨୭ ତାରିଖ ଭାରତୀୟ ସମୟ ରାତି ୧୧:୫୪ ମିନିଟରେ ଚନ୍ଦ୍ରଗ୍ରହଣ ଆରମ୍ଭ ହୋଇ ମଧ୍ୟରାତ୍ରି ୧ଘଣ୍ଟା ୫୨ ମିନିଟରେ ପୂର୍ଣ୍ଣ ଚନ୍ଦ୍ରଗହଣ ହେବ । ଏବଂ ରାତି ୩ଘଣ୍ଟା ୪୯ ମିନିଟ ପର୍ଯ୍ୟନ୍ତ ଦେଶବାସୀ ଶତାବ୍ଦୀର ସବୁଠାରୁ ବୃହତ ଲୌହ ଚନ୍ଦ୍ର ଗ୍ରହଣ ଖାଲି ଆଖିରେ ଦେଖିପାରିବେ ବୋଲି ଦାଉରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦେଶବାସୀଙ୍କ ପାଇଁ ଏହା ଏକ ସୁବର୍ଣ୍ଣ ସୁଯୋଗ ଯେ ଦେଶର ସମସ୍ତ ସ୍ଥାନରେ ଖାଲି ଆଖିରେ ଚନ୍ଦ୍ରର ଏହି ଲୌହଧାତବ ରୂପକୁ ଦେଖିପାରିବେ । କେବଳ ଲୋହିତ ବର୍ଣ୍ଣ ନୁହେଁ ବଂର ସମୟାନୁକ୍ରମେ କମଳା ରଙ୍ଗ, ରକ୍ତବର୍ଣ୍ଣ ଏବଂ କଳା ବାଦାମୀ ରଙ୍ଗର ମଧ୍ୟ ରୂପ ଧାରଣ କରିବ ବୋଲି ଏମ.ପି ବିର୍ଲା ପ୍ଲାନେଟୋରିୟମ ନିର୍ଦ୍ଦେଶକ ଦେବୀପ୍ରସାଦ ଦାଉରୀ କହିଛନ୍ତି । ଗତ ଜାନୁୟାରୀ ୩୧ ତାରିଖରେ ହୋଇଥିବା ଚନ୍ଦ୍ରଗହଣ ଠାରୁ ଏହାର ଆକାର ବୃହତ ହେବ । ଯାହାଦ୍ୱାରା ଦେଶର ପ୍ରତ୍ୟେକ ସ୍ଥାନରେ ଏହାକୁ ଖାଲି ଆଖିରେ ଦେଖିପାରିବେ ବୋଲି ଜଣାପଡିଛି । ତେବେ ଦାଉରୀଙ୍କ ସୁଚନା ମୁତାବକ ଆସନ୍ତା ୨୦୧୯ ଜାନୁୟାରୀ ୨୧ ତାରିଖରେ ଆଗାମୀ ଚନ୍ଦ୍ର ଗହଣ ହେବ । ଯାହାକି କେବଳ ୧ ଘଣ୍ଟା ୨ ମିନିଟ୍ ସମୟ ଅବଧି ଚନ୍ଦ୍ର ଉପରେ ପ୍ରଭାବ ରହିବ ।