ପୁଣି ମୋଦିଙ୍କ ଉଚ୍ଚକୋଟିର ପଦକ୍ଷେପ ! ଜଣେ ଝିଅର ଚିଠି ପାଇ ବଦଳାଇଲେ ଦୁଇ ଗାଁର ନାଁ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ ଆସେ ଅଗଣିତ ଚିଠି । ଯେଉଁଥିରେ ଥାଏ ସାହାଯ୍ୟ ପାଇଁ ଗୁହାରୀ । କିନ୍ତୁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମୋଦି କାହାକୁ ବି ନିରାଶ କରନ୍ତି ନାହିଁ । ନିଜ ସାମର୍ଥ୍ୟ ହିସାବରେ ଦିଅନ୍ତି ଏହାର ଉତ୍ତର । ଏବେ ସେମିତି ଏକ ଘଟଣା ଆସିଛି ସାମ୍ନାକୁ ।
Kanak News is now on WhatsApp
Join and get latest news updates delivered to you via WhatsApp
ହରିୟାଣାର ୧୫ବର୍ଷୀୟା ହରପ୍ରିତ୍ ନାମକ ଜଣେ ଯୁବତୀ ମୋଦିଙ୍କୁ ନିଜ ଗାଁର ନାଁ ପରିବର୍ତ୍ତନ କରିବା ପାଇଁ ଚିଠି ଲେଖିଥିଲେ । ଆଉ ଏହି ନାବାଳିକାଙ୍କ ଅନୁରୋଧ କ୍ରମେ ଦୁଇଟି ଗାଁ ର ନାଁର ପରିବର୍ତ୍ତନ କରିବାକୁ ନିଷ୍ପତି ନେଇଛନ୍ତି ମୋଦି ସରକାର ।
ଚିଠିରେ କଣ ଲେଖିଥିଲେ ହରପ୍ରିତ୍ :
ପ୍ରକୃତରେ ହରପ୍ରିତ୍ ଯେଉଁ ଗାଁରେ ରୁହନ୍ତି ତାର ନାଁ ହେଉଛି ‘ଗନ୍ଦା’ । ପ୍ରାୟ ୧ବର୍ଷ ପୂର୍ବେ ହରପ୍ରିତ୍ ନିଜ ଗାଁର ଏହି ନାଁକୁ ପରିବର୍ତ୍ତନ କରିବାକୁ ମୋଦିଙ୍କୁ ଚିଠି ଲେଖିଥିଲେ । ଏହା ସହ ଆଉ ଏକ ଗାଁ ‘କିନ୍ନର’ର ମଧ୍ୟ ନାଁ ପରିବର୍ତ୍ତ ପାଇଁ ଅନୁରୋଧ କରିଥିଲେ । ସେ ଚିଠିରେ ଉଲ୍ଲେଖ କରିଥିଲେ ଯେ, କୌଣସି ସ୍ଥାନରେ ଗାଁ ର ନାଁ କହିବା ବେଳେ ଗ୍ରାମବାସୀ ଲଜ୍ଜିତ ଅନୁଭବ କରୁଛନ୍ତି ।
ତେବେ ହରପ୍ରିିତ୍ ତାଙ୍କର ଏହି ଚିଠିର ମୂଲ୍ୟ ପାଇଛନ୍ତି । ସୂଚନା ଅନୁସାରେ, କେନ୍ଦ୍ରୀୟ ଗୃହ ମନ୍ତ୍ରାଳୟ ଏହି ଦୁଇ ଗାଁର ନାଁ ପରିବର୍ତ୍ତନ ପାଇଁ ମଞ୍ଜୁରୀ ଦେଇଛନ୍ତି । ଏବେ ଗାଁ ‘ଗନ୍ଦା’ର ନାଁ ପରିବର୍ତ୍ତନ ହୋଇ ‘ଅଜିତ୍ ନଗର’ ରଖାଯିବା ବେଳେ ‘କିନ୍ନର’ ନାଁ ପରିବର୍ତ୍ତନ ହୋଇ ରହିବ ‘ଗୋବୀ ନଗର’ ।