ଜମ୍ମୁ ଓ କଶ୍ମୀର ପୁଲିସଙ୍କ ପାଇଁ ବୁଲେଟପ୍ରୁଫ୍ ଗାଡ଼ି ଓ ଜ୍ୟାକେଟ୍ ! ଅର୍ଥ ମଞ୍ଜୁର କଲା କେନ୍ଦ୍ର ସରକାର
କନକ ବ୍ୟୁରୋ : ଜମ୍ମୁ ଓ କଶ୍ମୀର ପୁଲିସ ଅଧିକାରୀଙ୍କ ନିମନ୍ତେ ବୁଲେଟ୍ ପ୍ରୁଫ୍ ଯାନବାହନ ଖରିଦ କରିବାକୁ କେନ୍ଦ୍ର ସରକାର ଅର୍ଥ ମଞ୍ଜୁର କରିଛି ବୋଲି ରବିବାର ଦିନ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ କହିଛନ୍ତି । ଏହା ଛଡ଼ା ଯବାନମାନଙ୍କ ପାଇଁ ବୁଲେଟ୍ ପ୍ରୁଫ୍ ଜ୍ୟାକେଟ୍ ନିମନ୍ତେ ମଧ୍ୟ ଅର୍ଥ ଦିଆଯାଇଛି ବୋଲି ଅନନ୍ତନାଗ ଜିଲ୍ଲାରେ ସିଆର୍ପିଏଫ୍ ଅଧିକାରୀ ଏବଂ ପୁଲିସ ଅଧିକାରୀଙ୍କ ସହ କଥାବାର୍ତ୍ତା କରିବାବେଳେ ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜୁନ୍ ୧୬ ତାରିଖ ଦିନ ଅନନ୍ତନାଗର ଆଚାବାଲ୍ ଅଞ୍ଚଳରେ ଏସ୍ଏଚ୍ଓ ଫିରୋଜ ଅହମଦ୍ଙ୍କ ସମେତ ଛଅ ଜଣ ପୁଲିସ ମରିବା ଯୋଗୁଁ ଏହି ଘୋଷଣା କରାଯାଇଛି । ନିହତ ଏସ୍ଏଚ୍ଓ ଏକ ବୁଲେଟ୍ପ୍ରୁଫ୍ ଗାଡ଼ି ପାଇଁ ଲେଖିଥିଲେ କିନ୍ତୁ, ତାହା ମିଳି ନ ଥିଲା । ଅଗଷ୍ଟ ୨୮ ତାରିଖ ଦିନ ଅନନ୍ତନାଗରେ ଆତଙ୍କବାଦୀଙ୍କ ଗୁଳି ଚୋଟରେ ମୃତପ୍ରାୟ ଆହତ ହୋଇ ସହିଦ ହୋଇଥିବା ଏଏସ୍ଆଇ ଅବ୍ଦୁଲ୍ ରଶୀଦଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ରଶୀଦଙ୍କ ଅନ୍ତ୍ୟେଷ୍ଟିକ୍ରିୟାରେ ଝିଅ ଜୋହରାର ହୃଦ ଚହଲା କ୍ରନ୍ଦନ ଚିତ୍ର ତାଙ୍କୁ ଦୁଃଖ ଦେଇଥିଲା ବୋଲି ରାଜନାଥ କହିଥିଲେ ।