କନକ ବ୍ୟୁରୋ : ବରଗଡ଼ରେ ବିଜେପିର କେନ୍ଦ୍ରୀୟ ପ୍ରତିନିଧି ଦଳ । ମୃତ ଚାଷୀଙ୍କ ପରିବାରକୁ ଭେଟିଲା ଟିମ୍ ।ଚାଷୀଙ୍କୁ ନେଇ ଦୁଇ ପ୍ରମୁଖ ରାଜନୈତିକ ଦଳର ବଳ କଷାକଷି । ଓଡିଶାର ଭାତ ହାଣ୍ଡି ବରଗଡ ଜିଲ୍ଲାରେ ଚକଡା ପୋକର ଚଡକ, ରାଜ୍ୟ ରାଜନୀତିକୁ ଏକପ୍ରକାର ସରଗରମ କରିଛି । ଓଡିଶା ସରକାର ପ୍ରଥମେ ମରୁଡି ଓ ପରେ ରୋଗପୋକ ଜନିତ କ୍ଷୟକ୍ଷତି ପାଇଁ ପ୍ୟାକେଜ ଘୋଷଣା କରିବା ପରେ, ସବୁଠାରୁ ଅଧିକ ପ୍ରଭାବିତ ବରଗଡ ଜିଲ୍ଲାରେ ପହଂଚିଛନ୍ତି ବିଜେପ କେନ୍ଦ୍ରୀୟ ପ୍ରତିନିଧି ଦଳ ।
Kanak News is now on WhatsApp
Join and get latest news updates delivered to you via WhatsApp
ପାରମ୍ପରିକ ଚାଷ ଉପରେ ନିର୍ଭର କରୁଥିବା ଓଡିଶାର ପ୍ରାୟ ୭୦ ପ୍ରତିଶତ ଲୋକଙ୍କୁ ହତଛଡା କରିବାକୁ ଚାହୁଁନାହାନ୍ତି ଦୁଇ ପ୍ରମୁଖ ରାଜନୈତିକ ଦଳ । ମରୁଡି ଓ ଚକଡା ପୋକ ଦାଉରେ ସର୍ବସ୍ୱ ହରାଇଥିବା ଚାଷୀଙ୍କୁ ନେଇ ପରସ୍ପର ଉପରେ ଦୋଷ ଲଦିବା ଆରମ୍ଭ କରିଛନ୍ତି ବିଜେଡି ଓ ବିଜେପି ।
ବିଜେପି ରାଷ୍ଟ୍ରୀୟ ସଭାପତି ପଠାଇଥିବା ୬ ଜଣିଆ ଟିମରେ ରାଷ୍ଟ୍ରୀୟ କିଷାନ ମୋର୍ଚ୍ଚାର ସାଧାରଣ ସମ୍ପାଦକ ପି.ସୁଜ୍ଞାନ ରାଓ, ଆନ୍ଧ୍ରପ୍ରଦେଶ କୃଷକ ମୋର୍ଚ୍ଚା ସଭାପତି ପୁଡ୍ଡି ଚିରୁପତି ରାଓ, କିଷାନ ମୋର୍ଚ୍ଚା ଉପସଭାପତି ମହେଶ୍ୱର ସାହୁ, ସମ୍ପାଦକ ଶମ୍ଭୁ କୁମାର ପ୍ରମୁଖ ଅଛନ୍ତି । ମଧ୍ୟପ୍ରଦେଶ ଧାରର ସାଂସଦ ସାବିତ୍ରୀ ବାଇ ଠାକୁର ଓ ବିହାର ଶିବାନର ସାଂସଦ ଓମପ୍ରକାଶ ଯାଦବଙ୍କ ନେତୃତ୍ୱରେ ଆସିଛନ୍ତି ଏହି ଟିମ୍ । ହେଲେ କେନ୍ଦ୍ରୀୟ ଟିମ ପଠାଇ ବିଜେପି ରାଜନୀତି କରୁଥିବା ଅଭିଯୋଗ କରିଛି ବିଜୁ ଜନତା ଦଳ । ନେତାମାନଙ୍କ ଏହି ବୟାନବାଜିରୁ ଅନୁମାନ କରିହେଉଛି ଯେ, ଦୁଇ ଦଳ ସଂକେତ ଦେବାକୁ ଚାହୁଁଛନ୍ତି । ଚାଷୀଙ୍କ ଏହି ଦୁର୍ଦ୍ଦିନରେ କିଏ ସେମାନଙ୍କ ସହ ରହିଛି? ରାଜ୍ୟରେ ବିଜେଡି ସରକାର ନା କେନ୍ଦ୍ରରେ ମୋଦି ସରକାର ?