ହତ୍ୟାକାରୀକୁ ସମ୍ମାନିତ କଲେ କେନ୍ଦ୍ରମନ୍ତ୍ରୀ ! ଜାମିନରେ ମୁକୁଳିଥିବା ଅଭିଯୁକ୍ତଙ୍କୁ ଫୁଲମାଳ ପିନ୍ଧାଇ ସ୍ୱାଗତ କରି ବିବାଦରେ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା ।
ବିବାଦରେ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା । ଗତବର୍ଷ ଝାଡଖଣ୍ଡର ରାମଗଡ ଠାରେ ଗୋ-ଚାଲାଣକୁ କେନ୍ଦ୍ରକରି ହୋଇଥିବା ଗଣହତ୍ୟାର ଅଭିଯୁକ୍ତଙ୍କୁ ସମ୍ମାନିତ କରି ବିବାଦରେ କେନ୍ଦ୍ରମନ୍ତ୍ରୀ ଜୟନ୍ତ । ଏହି ଗଣହତ୍ୟା ମାମଲାରେ ୧୧ ଜଣ କୋର୍ଟରେ ଦୋଷୀ ସାବ୍ୟସ୍ତ ହୋଇଥିଲେ ମଧ୍ୟ ଗତ ୫ତାରିଖରେ ସେଥି ମଧ୍ୟରୁ ୮ ଜଣଙ୍କୁ ଜାମିନ ମିଳିଥିଲା । ଅଭିଯୁକ୍ତ ସାବ୍ୟସ୍ତ ହୋଇଥିବା ୮ ଜଣକୁ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା ଫୁଲମାଳ ପିନ୍ଧାଇ ସ୍ୱାଗତ କରିବା ଘଟଣା ସାମ୍ନାକୁ ଆସିଛି । ଯାହାକୁ ନେଇ ବିରୋଧୀମାନେ ଏବେ ଜୟନ୍ତଙ୍କୁ ନିଶାନା କରିବାରେ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଚନା ମୁତାବକ ପୂର୍ବରୁ ମଧ୍ୟ ଏହି ଗଣହତ୍ୟା ମାମଲାରେ ରାମଗଡ ପୋଲିସର ତଦନ୍ତ ପ୍ରକ୍ରିୟା ଉପରେ ପ୍ରଶ୍ନ ଉଠାଇ ସିବିଆଇକୁ ହସ୍ତାନ୍ତର ପାଇଁ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା ଦାବି କରିଥଲେ । ତେବେ ଏହି ମାମଲାରେ ଦୋଷୀ ହୋଇଥିବା ଆଠ ଜଣ ଅଭିଯୁକ୍ତଙ୍କୁ ଜାମିନ ମିଳିବା ପରେ କେନ୍ଦ୍ରମନ୍ତ୍ରୀଙ୍କ ସମ୍ମାନିତ କରିବା ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ରାଜନୀତି ଏବେ ସରଗରମ ହେବାସହ ବିବାଦୀୟ ହୋଇ ପଡିଛନ୍ତି ବଜେପି ନେତା ଜୟନ୍ତ ସିହ୍ନା ।
ତେବେ ଏହି ମାମଲାରେ ସ୍ଥାନୀୟ ଅଦାଲତ ମାର୍ଚ୍ଚ ମାସରେ ଜଣେ ବିଜେପି ନେତା ସହ ୧୧ ଜଣଙ୍କୁ ଆଜୀବନ କାରାଦଣ୍ଡ ଶୁଣାଇଥିଲେ । ଝାଡଖଣ୍ଡର ରାମଗଡ ଠାରେ ଗୋ-ଚାଲାଣକାରୀଙ୍କୁ ନେଇ ହିଂସାକାଣ୍ଡ ହୋଇଥିଲା । ଯେଉଁଥିରେ ଟ୍ରକ ଡ୍ରାଇଭର ଅଲ୍ଲୀମୁଦୀନ ଅନସାରୀର ହତ୍ୟା କରାଯାଇଥିଲା । ଏହି ମାମଲାରେ ସ୍ଥାନୀୟ କୋର୍ଟ ଶୁଣାଣି କରିଥିଲେ । ଯାହାକୁ ନେଇ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନା ପୂର୍ବରୁ ଘଟଣାକୁ ସିବିଆଇକୁ ହସ୍ତାନ୍ତର କରିବା ପାଇଁ ଦାବି କରିଥିଲେ । ଏବେ ସେହି ଦୋଷୀମାନଙ୍କ ଜାମିନ ପରେ ଫୁଲମାଳ ପିନ୍ଧାଇ ସ୍ୱାଗତ କରିବା ଘଟଣା ତାଙ୍କୁ ଅଡୁଆରେ ପକାଇ ଦେଇଛି । ଯାହାକୁ ନେଇ ବିରୋଧୀମାନଙ୍କୁ ଏବେ ବିଜେପିକୁ ଟାର୍ଗେଟ କରିବାକୁ ନୂଆ ଖୋରାଖ ଯୋଗାଇ ଦେଇଛି ।