ମୋଦି ସରକାରଙ୍କ ଓଡିଶାକୁ ସହାୟତା ନେଇ ବିଜେଡି- ବିଜେପି ମୁହାଁମୁହିଁ : ଅମିତ ଶାହଙ୍କ ଭାଷଣ ପରେ ଜୋର ଧରିଲା ରାଜନୀତି
କନକ ବ୍ୟୁରୋ : କେନ୍ଦ୍ରୀୟ ସହାୟତାକୁ ନେଇ ଜୋର ଧରିଛି ରାଜନୀତି । ମୁହାଁମୁହିଁ ହୋଇଛନ୍ତି ଦୁଇ ବିରୋଧୀ ବିଜେଡି ଓ ବିଜେପି । ଭୁବନେଶ୍ୱରରେ ଜନଜାଗରଣ ମହାସମାବେଶରେ ବିଜେପି ଅଧ୍ୟକ୍ଷ ଅମିତ ଶାହ ଓଡିଶାକୁ ମୋଦି ସରକାର ପର୍ଯ୍ୟାପ୍ତ ଆର୍ଥିକ ସହାୟତା ଦେଉଥିବା କହିବା ପରେ ଏହାକୁ ନେଇ ତୁ ତୁ ମେ ମେ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମୋଦି ସରକାର ଅଢ଼େଇ ବର୍ଷରେ ଓଡ଼ିଶାକୁ ୧ଲକ୍ଷ ୩୦ହଜାର କୋଟି ଟଙ୍କାର କେନ୍ଦ୍ରୀୟ ସହାୟତା ଦେଇଥିବା କହିଥିଲେ ଶାହ । ଏହାକୁ ନେଇ ଏବେ ବିଜେଡି-ବିଜେପି ମୁହାଁମୁହିଁ ହୋଇଛନ୍ତି । ଅମିତ ଶାହଙ୍କ ଭାଷଣରେ ସତ୍ୟତା ନାହିଁ, ଭୁଲ୍ ହିସାବ ଦିଆଯାଇଛି ବୋଲି ବିଜେଡି ଅଭିଯୋଗ ଆଣିଥିବା ବେଳେ ଏହାକୁ ଚ୍ୟାଲେଂଜ୍ କରିଛି ବିଜେପି ।
କେନ୍ଦ୍ରର ସହାୟତା ରାଶି ୧ ଲକ୍ଷ ୩୦ ହଜାର କୋଟି ଟଙ୍କାରୁ ଅଧିକ ହେବ ବୋଲି ଆଜି ପ୍ରତିଜବାବ ଦେଇଛି ବିଜେପି । ବିଜେଡି ମୁଖପାତ୍ର ପ୍ରଶାନ୍ତ ନନ୍ଦଙ୍କ ବିବୃତିକୁ ଚ୍ୟାଲେଂଜ୍ କରିଛନ୍ତି ବିଜେପିର ସାଧାରଣ ସଂପାଦକ ଭୃଗୁ ବକ୍ସିପାତ୍ର ।
ଦେଖନ୍ତୁ ଏହି ଭିଡିଓ :