ଦାମଙ୍କୁ ସୁହାଇଲା ଦିଲ୍ଲୀର କଥା ! କେନ୍ଦ୍ର କୃଷି ସଚିବ କହିଲେ ଚାଷୀ ଆତ୍ମହତ୍ୟା ଫସଲ କ୍ଷତି ଯୋଗୁଁ କି ନୁହେଁ ତଦନ୍ତ ହେବା ଦରକାର
କନକ ବ୍ୟୁରୋ : ଚାଷୀ ଆତ୍ମହତ୍ୟା, ଫସଲ କ୍ଷତିଜନିତ କି ନୁହେଁ ବିଶେଷଜ୍ଞ କମିଟି ଦ୍ୱାରା ତାର ଫୁଙ୍ଖାନୁପୁଙ୍ଖ ତଦନ୍ତ ହେବା ଦରକାର । କେନ୍ଦ୍ର କୃଷି ସଚିବଙ୍କ ଏହି ବୟାନ ଆଜି ବେଶ୍ ସୁହାଇଛି ରାଜ୍ୟ ସରକାରଙ୍କୁ । ରାଜ୍ୟରେ ଚାଷୀଙ୍କ ଦୁଃସ୍ଥିତିକୁ ନେଇ ବିଜେପି-ବିଜେଡି ରାଜନୈତିକ ଆକ୍ରମଣ ଭିତରେ ହଠାତ ରାଜ୍ୟ କୃଷିମନ୍ତ୍ରୀଙ୍କ ସ୍ୱରରେ ସ୍ୱର ମିଳାଇଛନ୍ତି କେନ୍ଦ୍ର କୃଷି ସଚିବ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ କୃଷିମନ୍ତ୍ରୀଙ୍କ ଭାଷା କହିଲେ କେନ୍ଦ୍ର କୃଷି ସଚିବ ।ଚାଷୀ ଆତ୍ମହତ୍ୟା ଫସଲ କ୍ଷତି ଜନିତ କି ନୁହେଁ ବିଶେଷଜ୍ଞ କମିଟି ଦ୍ୱାରା ତାର ଫୁଙ୍ଖାନୁପୁଙ୍ଖ ତଦନ୍ତ ହେବା ଦରକାର । ଭୁବନେଶ୍ୱରରେ ଏକ କାର୍ଯ୍ୟକ୍ରମରେ ଯୋଗଦେବାକୁ ଆସିଥିବା କେନ୍ଦ୍ର କୃଷି ସଚିବ ଶୋଭନ ପଟ୍ଟନାୟକଙ୍କ ଏହି କଥା ରାଜ୍ୟ ସରକାରଙ୍କୁ ବେଶ ସୁହାଇଛି । କାରଣ ପ୍ରତିଥର ଚାଷୀ ଆତ୍ମହତ୍ୟା ଅଭିଯୋଗକୁ ଅସ୍ୱୀକାର କରିଆସିଛନ୍ତି ରାଜ୍ୟ ସରକାର । ଫସଲ କ୍ଷୟକ୍ଷତି ଯୋଗୁଁ ନୁହେଁ ବରଂ ଅନ୍ୟାନ କାରଣରୁ ଚାଷୀ ଆତ୍ମହତ୍ୟା କରୁଥିବା ସଫେଇ ଦେଉଛନ୍ତି । ତେବେ କେନ୍ଦ୍ର ସଚିବଙ୍କ ଏହି ବୟାନ ରାଜ୍ର ସରକାରଙ୍କ ପାଇଁ ସଞ୍ଜୀବନି ସାବ୍ୟସ୍ତ ହୋଇଛି ।
ସବୁଠାରୁ ବଡକଥା ହେଉଛି ଚାଷୀ ଆତ୍ମହତ୍ୟାକୁ ନେଇ ବିଜେପି ଓ ବିଜେଡି ମଧ୍ୟରେ ରାଜନୈତିକ ଆକ୍ରମଣ ଜୋରଦାର ହୋଇଛି । ମରୁଡି ଓ ରୋଗପୋକ ଦାଉରେ ଚାଷୀ ଆତ୍ମହତ୍ୟା କରୁଥିବା ଅଭିଯୋଗକୁ ନେଇ ନବୀନ ସରକାରଙ୍କ ଉପରେ ବର୍ଷୁଛନ୍ତି କେନ୍ଦ୍ରୀୟ ନେତା । କିନ୍ତୁ ଏଭଳି ସମୟରେ ଭିନ୍ନ ମତ ପୋଷଣ କରିଛନ୍ତି କେନ୍ଦ୍ର କୃଷି ସଚିବ ।
ଚାଷୀ ଆତ୍ମହତ୍ୟା ଅନ୍ୟାନ୍ୟ କାରଣ ପାଇଁ ହେଉଛି ବୋଲି ପୂର୍ବରୁ ବାରମ୍ବାର କୃଷି ମନ୍ତ୍ରୀ କହିଛନ୍ତି । ଏପରିକି ଢେଙ୍କାନାଳ କାମାକ୍ଷା ନଗରର ଚାଷୀ ବାସୁ ହେମବ୍ରମ ପାରିବାରିକ କଳହରୁ ଆତ୍ମହତ୍ୟା କରିଥିବା ଜିଲ୍ଲାପାଳ ରିପୋର୍ଟରୁ ସ୍ପଷ୍ଟ ହୋଇଥିବା କହିଥିଲେ କୃଷିମନ୍ତ୍ରୀ ଦାମୋଦର ରାଉତ । ସେହିପରି ବରଗଡ କଳାପାଣୀର ଚାଷୀ ବୃନ୍ଦା ସାହୁ ଚାଷ ପାଇଁ କୌଣସି ଋଣ ନେଇ ନଥିବା ଗଣମାଧ୍ୟମକୁ ସୂଚନା ଦେଇଥିଲେ ଦାମ । ଡେରିରେ ହେଉ ପଛେ କେନ୍ଦ୍ର କୃଷି ସଚିବ ଦାମଙ୍କ ସ୍ୱରରେ ସ୍ୱର ମିଳାଇବା ରାଜ୍ୟ ସରକାରଙ୍କୁ ଉତ୍ସାହିତ କରିଛି ।
ରାଜ୍ୟରେ ଚାଷୀଙ୍କ ଦୁଃସ୍ଥିତିକୁ ନେଇ ବିଜେପି-ବିଜେଡି ରାଜନୈତିକ ଆକ୍ରମଣ ଭିତରେ ହଠାତ ରାଜ୍ୟ କୃଷିମନ୍ତ୍ରୀଙ୍କ ସ୍ୱରରେ ସ୍ୱର ମିଳାଇଛନ୍ତି କେନ୍ଦ୍ର କୃଷି ସଚିବ । ଯାହା ନବୀନ ସରକାରଙ୍କ ଉପରେ କେନ୍ଦ୍ରୀୟ ବିଜେପିର ଆକ୍ରମଣାତ୍ମକ ଆଭିମୁଖ୍ୟକୁ ପାଣିଚିଆ କରିଦେଇଥିବା ଚର୍ଚ୍ଚା ହେଉଛି ।