ମୋଦିଙ୍କ ପାଇଁ ସଂଜୀବନୀ ଶେଷ ବଜେଟ୍ ! ଚାଷୀ ଓ ମଧ୍ୟବିତ୍ତ ଶ୍ରେଣୀଙ୍କୁ ଖୁସି କରିବାକୁ ମୋଦି ଖେଳିଲେ ବାଜି ।

କନକ ବ୍ୟୁରୋ: ଆସନ୍ତା ନିର୍ବାଚନ ପାଇଁ କେନ୍ଦ୍ରୀୟ ରାଜନୀତି ସରଗରମ ହୋଇଥିବାବେଳେ କେନ୍ଦ୍ର କାମଚଳା ଅର୍ଥମନ୍ତ୍ରୀ ପୀୟୁଷ ଗୋଏଲ ଛାଡ଼ିଛନ୍ତି ନିର୍ବାଚନୀ ଥୋପ । ଲୋକସଭାରେ ଆଗତ ହୋଇଥିବା ୨୦୧୯-୨୦ ମଧ୍ୟବର୍ତ୍ତିକାଳୀନ ବଜେଟ୍ ଦ୍ୱାରା ବିଭିନ୍ନ ବର୍ଗକୁ ଖୁସି କରିବାକୁ ଗୋଟିଚାଳନା କରିଛନ୍ତି ମୋଦି ସରକାର ବୋଲି ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି । ଏହି ମଧ୍ୟବର୍ତ୍ତିକାଳୀନ ବଜେଟରେ ମଧ୍ୟମ ବର୍ଗ ଓ ଚାଷୀକୂଳଙ୍କୁ ନେଇ ବଡ଼ ବାଜି ଖେଳିଛନ୍ତି ମୋଦି ସରକାର ।

Kanak News is now on WhatsApp

Join and get latest news updates delivered to you via WhatsApp

Join Now

ନିର୍ବାଚନୀ ବୈତରଣୀ ପାର ହେବାକୁ ମୋଦି ସରକାର ଥୋପ ଛାଡ଼ିଛନ୍ତି ବୋଲି ଜାତୀୟ ଗଣମାଧ୍ୟମରେ ଆଲୋଚନା ହେଉଥିବାବେଳେ ୨୭ ଲକ୍ଷ ୮୪ ହଜାର ୨୦୦ କୋଟିର ଏହି ବଜେଟରେ ଦେଶବାସୀଙ୍କୁ ସନ୍ତୁଷ୍ଟ କରିବାକୁ ପ୍ରୟାସ କରିଛନ୍ତି ମୋଦି ସରକାର । ଦେଶର ୧୨ କୋଟି ଗରିବ କୃଷକଙ୍କୁ ଖୁସି କରିବା ପାଇଁ ‘ପ୍ରଧାନମନ୍ତ୍ରୀ କିଷାନ’ ଯୋଜନା ଘୋଷଣା କରାଯାଇଛି । ଏହି ଯୋଜନା ମୁତାବକ ୨ ହେକ୍ଟର ପର୍ୟ୍ୟନ୍ତ ଜମି ଥିବା ଛୋଟ ଓ ନାମମାତ୍ର ଚାଷୀଙ୍କୁ ବାର୍ଷିକ ୬ ହଜାର ଟଙ୍କା ଯୋଗାଇ ଦିଆଯିବ । ଏହାକୁ ୨ ହଜାର ଟଙ୍କା କରି ତିନୋଟି କିସ୍ତିରେ ସେମାନଙ୍କ ବ୍ୟାଙ୍କ ଖାତାକୁ ପ୍ରଦାନ କରାଯିବ ।

ସେହିଭଳି ମଧ୍ୟମ ବର୍ଗକୁ ଏକ ବଡ଼ ଉପହାର ସ୍ୱରୂପ କେନ୍ଦ୍ର ଅର୍ଥମନ୍ତ୍ରୀ ବ୍ୟକ୍ତିଗତ ଆୟକର ଛାଡ଼ ସୀମା ବାର୍ଷିକ ଅଢେଇ ଲକ୍ଷ ଟଙ୍କାରୁ ୫ ଲକ୍ଷ ଟଙ୍କାକୁ ବୃଦ୍ଧି କରିଛନ୍ତି । ଷ୍ଟାଣ୍ଡାର୍ଡ ଡିଡକ୍ସନ ପରିମାଣ ୪୦ ହଜାରରୁ ୫୦ ହଜାର ଟଙ୍କାକୁ ବୃଦ୍ଧି କରାଯାଇଛି । ବ୍ୟାଙ୍କ ଓ ପୋଷ୍ଟ ଅଫିସ ସଂଚୟ ଜମା ରାଶିରେ ମିଳୁଥିôବା ସୁଧ ଉପରେ ଟିଡିଏସ୍ ରିହାତି ପରିମାଣ ୧୦ ହଜାରରୁ ୪୦ ହଜାର ଟଙ୍କାକୁ ବୃଦ୍ଧି କରାଯାଇଛି । ଘର ଭଡ଼ା ଉପରେ ଟିଡିଏସ୍ ପରିମାଣ ୧ଲକ୍ଷ ୮୦ ହଜାରରୁ ୨ ଲକ୍ଷ ୪୦ ହଜାର ଟଙ୍କାକୁ ବୃଦ୍ଧି କରାଯାଇଛି ।

ଗୁରୁତ୍ୱପୂର୍ଣ୍ଣ ବିଷୟ ହେଲା ଯେ, ନିର୍ବାଚନୀ ମାହୋଲ ଗରଥିବାବେଳେ ମୋଦି ସରକାରଙ୍କ ଏଭଳି ବଜେଟରେ ବିଭିନ୍ନ ଘୋଷଣା କେବଳ ଘୋଷଣାରେ ରହିଯିବ ବୋଲି ବିରୋଧୀମାନେ ପ୍ରଶ୍ନ ଉଠାଇଛନ୍ତି । ଏପରିକି ବଜେଟର ବିଭିନ୍ନ ଘୋଷଣାର କାର୍ଯ୍ୟକାରିତା ଏବେ ବି ରହସ୍ୟମୟ ହୋଇରହିଛି । ଦେଶବାସୀଙ୍କୁ କେବଳ ନିର୍ବାଚନୀ ଥୋପ ଦେବା ପାଇଁ ଏଭଳି ବଜେଟ ଆଣିଛନ୍ତି ମୋଦି ସରକାର ବୋଲି ରାଜନୀତି ମହଲରେ ଚର୍ଚ୍ଚା ହେଉଛି । ଗତକାଲି ବେକାରୀ ସଂଖ୍ୟା ବୃଦ୍ଧି ନେଇ ବିରୋଧୀମାନେ ମୋଦି ସରକାରଙ୍କୁ ଘେରିଥିବାବେଳେ ଏଭଳି ବଜେଟ ଆଣି ଦେଶବାସୀଙ୍କ ମନ ଜିଣି ଆଗାମୀ ନିର୍ବାଚନୀ ବୈତରଣୀ ପାର ହେବାକୁ ଗୋଟିଚାଳନା କରିଛନ୍ତି ମୋଦି ସରକାର ।