ବେଆଇନ ଖଣି ଉତ୍ତୋଳନ ମାମଲା ! ଆଜି ଦିଲ୍ଲୀରେ ସିଇସି ବୈଠକ, ବେଆଇନ ଖଣି ଲିଜଧାରୀଙ୍କଠାରୁ ଶହେ ପ୍ରତିଶତ ଜୋରିମାନା ଆଦାୟର ହୋଇପାରେ ପୁନଃ-ମୂଲ୍ୟାୟନ
କନକ ବ୍ୟୁରୋ : ବେଆଇନ ଖଣି ଉତ୍ତୋଳନ ପ୍ରସଙ୍ଗରେ ବେଆଇନ ଖଣି ଲିଜଧାରୀଙ୍କଠାରୁ ଶହେ ପ୍ରତିଶତ ଜୋରିମାନା ଆଦାୟ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ । ଏହାର ମୂଲ୍ୟଃ-ମୂଲ୍ୟାଙ୍କନ ପାଇଁ ଆଜି କେନ୍ଦ୍ରୀୟ କ୍ଷମତା ସମ୍ପର୍ଣ୍ଣ କମିଟିର ବୈଠକ ଆଜି ଦିଲ୍ଲୀରେ ବସିବ । ଏଥିପାଇଁ ସୁପ୍ରିମକୋର୍ଟ ପରାମର୍ଶ ଦେଇଥିଲେ । ଏଥିରେ ସିଇସି ଅଧ୍ୟକ୍ଷ, ସଦସ୍ୟ, ଖଣି ମନ୍ତ୍ରଣାଳୟ , କେନ୍ଦ୍ର ଜଙ୍ଗଲ ଓ ପରିବେଶ ମନ୍ତ୍ରଣାଳୟ, ରାଜ୍ୟର ଇସ୍ପାତ ଓ ଖଣି ସଚିବ, ଖଣି ନିର୍ଦ୍ଦେଶକ ଓ ୫୦ରୁ ଅଧିକ ଲିଜଧାରୀ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ଅଗଷ୍ଟ ୨ରେ ଓଡିଶା ବେଆଇନ ଖଣି ଖନନ ମାମଲାର ରାୟ ଦେଇ ବେଆଇନ ଖମି ଖନନ କରିଥିବା ଖଣି ପଟ୍ଟାଦାରଙ୍କଠାରୁ ଶତ ପ୍ରତିଶତ ଜୋରିମାନା ପୈଠ ପାଇଁ କହିଥିଲେ । କିଛି ଖଣି ଲିଜଧାରୀଙ୍କ ଦ୍ୱାରା ରାଜ୍ୟ ସରକାରଙ୍କ ଡିମାଣ୍ଡ ନୋଟିସରେ ଜରିମାନା ପରିମାଣରେ ବ୍ୟାପକ ଅସଙ୍ଗତି ଥିବା ସୁପ୍ରିମକୋର୍ଟଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ଗତମାସ ୨୪ରେ ମାମଲାର ଶୁଣାଣି କରି ସୁପ୍ରିମକୋର୍ଟ ମୂଲ୍ୟାୟନରେ ଅସଙ୍ଗତି ଥିଲେ ସିଇସି , ରାଜ୍ୟ ସରକାର ଓ ଲିଜଧାରୀ ସହ ବୈଠକ କରି ଏହା ଦୂର କରିବାକୁ ନିର୍ଦ୍ଦେଶ ଦେଇଥିଲେ ।
ନଭେମ୍ବର ୩ଦ ପୂର୍ବରୁ ଏହି ପ୍ରକ୍ରିୟା ସାରିବାକୁ କୁହାଯାଇଥିଲା । ଏ ନେଇ ସୁପ୍ରିମକୋର୍ଟରେ ବିସ୍ତୁତ ରିପୋର୍ଟ ଦାଖଲ କରିବାକୁ କୁହାଯାଇଥିଲା । ଶହେ ପ୍ରତିଶତ ଜୋରିମାନା ଆଦାୟ ପାଇଁ ଡିସେମ୍ବର ୩୧ ଡେଡଲାଇନ ଥିବା ଯୋଗୁଁ ଆଜିର ବୈଠକରେ ଖଣି ଲିଜଧାରୀଙ୍କ ଆପତି ଶୁଣାଣି କରାଯାଇ ଜୋରିମାନା ପୁନଃ-ମୂଲ୍ୟାଙ୍କନ କରାଯିବ ।