ଦିଲ୍ଲୀ ଦରବାରରେ ଅଭିଭାବକ ! କେସ୍ ପ୍ରତ୍ୟାହାର କରିବ ସିବିଏସଇ, ପୁନଃ ମୂଲ୍ୟାୟନ ପାଇଁ ଫିଟିଲା ବାଟ
କନକ ବ୍ୟୁରୋ : ଆସନ୍ତାକାଲି ହାଇକୋର୍ଟରୁ ରିଭ୍ୟିୁ ପିଟିସନ୍ ପ୍ରତ୍ୟାହାର କରିବ ସିବିଏସଇ । ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷାଫଳ ବିଭ୍ରାଟର ସମାଧାନ ନେଇ ଆଜି ନୂଆଦିଲ୍ଲୀରେ ବୈଠକ ପରେ ଏହି ନିଷ୍ପତି ହୋଇଛି । ଆସନ୍ତା ୩୦ ଜୁନ୍ ଭିତରେ ସମସ୍ତ ଛାତ୍ରଛାତ୍ରୀ ସବୁ ବିଷୟର ନକଲ କପି ପାଇଁ ଆବେଦନ କରିପାରିବେ । ଯଦି ଛାତ୍ରଛାତ୍ରୀ ପୁନଃ ମୁଲ୍ୟାୟନ ପାଇଁ ଚାହୁଁଥିବେ କୋର୍ଟଙ୍କ ଅନୁମତି ନେଇ ମୂଲ୍ୟାୟନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଯଦି ପୁନଃ ମୁଲ୍ୟାୟନ ପରେ ୧୦ରୁ ଅଧିକ ମାର୍କ ବଢ଼ୁଛି ତେବେ ଛାତ୍ରଛାତ୍ରୀଙ୍କୁ ପୁନଃମୁଲ୍ୟାୟନ ଟଙ୍କା ଫେରସ୍ତ କରାଯିବ । ଆସନ୍ତାବର୍ଷରୁ ସମସ୍ତ ଛାତ୍ରଛାତ୍ରୀ ପୁନଃ ମୁଲ୍ୟାୟନ ପାଇଁ ଆବେଦନ କରିପାରିବେ ବୋଲି ଏହି ବୈଠକରେ ନିଷ୍ପତି ହୋଇଛି । ଆଜି ନୂଆ ଦିଲ୍ଲୀରେ ମନ୍ତ୍ରୀ ପ୍ରକାଶ ଜାଭଡେକରଙ୍କ ଅଧ୍ୟକ୍ଷତାରେ ଏହି ବୈଠକ ହୋଇଥିଲା । ଯେଉଁଥିରେ ସିବିଏସ୍ଇ ଚେୟାରମ୍ୟାନ୍ ଏବଂ ଅଭିଭାବକ ସଂଘର ସଦସ୍ୟ ଉପସ୍ଥିତ ଥିଲେ ।