ସିବିଆଇର ସାଂଘାତିକ ଖୁଲାସା ! କଂପାନୀକୁ ଫାଇଦା ଦେବାକୁ ଦିଆଯାଇଥିଲା ଟଙ୍କା , ପ୍ରଭାତ ବିଶ୍ୱାଳଙ୍କ ପତ୍ନୀଙ୍କ ଆକାଉଂଟକୁ ଆସିଥିଲା ବିପୁଳ ପରିମାଣର ଅର୍ଥ
କନକ ବ୍ୟୁରୋ : ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ଗିରଫ ପ୍ରସଙ୍ଗରେ ପ୍ରେସ ରିଲିଜ ଜାରି କରିଛି ସିବିଆଇ । କିଛି ଚାଂଚଲ୍ୟକର ତଥ୍ୟ ସିବିଆଇର ଏହି ପ୍ରେସ ରିଲିଜରେ ସାମ୍ନାକୁ ଆସିଛି । ଏଥିରେ କୁହାଯାଇଛି, ଏକ ଘରୋଇ କଂପାନୀ ଆକଉଂଟରୁ ବିଧାୟକ ପ୍ରଭାତ ବିଶ୍ୱାଳଙ୍କ ପତ୍ନୀଙ୍କ ଆକାଉଂଟକୁ ବିପୁଳ ପରିମାଣରେ ଅର୍ଥ ଆସିଛି । ତେବେ କେଉଁ କଂପାନୀରୁ ଏହି ଅର୍ଥ ଆସିଛି, ସେ ବାବଦରେ ସିବିଆଇ ସ୍ପଷ୍ଟ କରିନାହିଁ । ତେବେ କୁହାଯାଇଛି, କଟକ ଓ ଏହାର ଆଖପାଖ ଅଂଚଳରେ ଉକ୍ତ କଂପାନୀ ଯେଭଳି ବିନା କୈାଣସି ବାଧାବିଘ୍ନରେ କାମକରେ ସେଥିପାଇଁ ଏହି ଅର୍ଥ ଘରୋଇ କଂପାନୀର ସିଏମଡି ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏଥିରୁ ଗୋଟିଏ କଥା ସ୍ପଷ୍ଟ ହେଉଛି, ରାଜ୍ୟରେ ଚିଟଫଣ୍ଡ କଂପାନୀ କିଭଳି କାମ କରିବ, ସେଥିପାଇଁ ଶାସକ ଦଳ ସଂପୂର୍ଣ୍ଣ ଭାବେ ସହଯୋଗ କରିଥିଲା । ସିବିଆଇ ପ୍ରେସ ରିଲିଜରୁ ଏହି ବାର୍ତ୍ତା ମିଳୁଛି । ପ୍ରଭାତ ବିଶ୍ୱାଳ, କଟକ ରାଜନୀତିର ଜଣେ ଟାଣୁଅ ନେତା । ଆଉ ତାଙ୍କୁ ବ୍ୟବହାର କରି ଏହି କଂପାନୀ ଲୋକଙ୍କୁ ଠକିବା ପାଇଁ ଜାଲ ବିଛାଇଥିବା କଥା ଚର୍ଚ୍ଚା ଆରମ୍ଭ ହୋଇଛି । ଯାହାର ପ୍ରମାଣ ସିବିଆଇ ହାତରେ ଲାଗିଛି । ତେବେ ସିବିଆଇର ଏହି ପ୍ରେସ ରିଲିଜ ବିବାଦ ମଧ୍ୟ ସାମ୍ନାକୁ ଆଣିଛି । କାହିଁକି କଂପାନୀର ନାଁ ଉପସ୍ଥାପନ କରିବାକୁ ସିବିଆଇ ଆଗ୍ରହ ପ୍ରକାଶ କରିନାହିଁ । ଯଦି ଟଙ୍କା ନେଣଦେଣ ବ୍ୟାଙ୍କ ମାଧ୍ୟମରେ ହୋଇଥିଲା, ତେବେ ସିବିଆଇକୁ କାହିଁକି ୩ ବର୍ଷ ଲାଗିଗଲା ଗିରଫ କରିବା ପାଇଁ । ଏହା ବଡ ପ୍ରଶ୍ନବାଚୀ ସୃଷ୍ଟି କରିଛି ।
ବିଧାୟକ ପ୍ରଭାତ ବିଶ୍ୱାଳଙ୍କ କଣ ଫାଇଦା ଦେଇଥିଲେ କଂପାନୀକୁ? ଏହାରି ଉପରେ ଅନେକ ତଥ୍ୟ ଏବେବି ରହସ୍ୟ ଘେରରେ । ସିସୋର ସହ ଜମି କାରବାର ମାମଲାରେ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କୁ ସିବିଆଇ ଗିରଫ କରିଥିବା ଚର୍ଚ୍ଚା ଭିତରେ ଏହି ନୂଆ ତଥ୍ୟ ପୁଣି ଶାସକ ଦଳକୁ ଅଡୁଆରେ ପକାଇପାରେ । କାରଣ ଏଠି ଅଭିଯୋଗ ଅଛି ସଂଗୀନ । କାରଣ, ଠକ କଂପାନୀକୁ ସହଯୋଗ କରିବାକୁ ଯାଇ ବିଧାୟକ ନେଇଥିଲେ ଟଙ୍କା ।