ଭିଭିଆଇପି ଚୋପର-ଅଗସ୍ତା ୱେଷ୍ଟଲ୍ୟାଣ୍ଡ ଦୁର୍ନୀତି ମାମଲା : ପୂର୍ବତନ ବାୟୁସେନା ମୁଖ୍ୟ ଏସ.ପି. ତ୍ୟାଗି ଗିରଫ
କନକ ବ୍ୟୁରୋ : ପୂର୍ବତନ ବାୟୁସେନା ମୁଖ୍ୟ ଏସ.ପି. ତ୍ୟାଗି ଗିରଫ । ଭିଭିଆଇପି ଚୋପର-ଅଗସ୍ତା ୱେଷ୍ଟଲ୍ୟାଣ୍ଡ ଦୁର୍ନୀତି ମାମଲାରେ ତାଙ୍କୁ ଗିରଫ କରିଛି ସିବିଆଇ । ୩ ହଜାର ୬ ଶହ କୋଟି ଟଙ୍କାର ଅଗସ୍ତା ୱେଷ୍ଟଲ୍ୟାଣ୍ଡ ଡିଲ ପାଇଁ ଲାଂଚ କାରବାର ଅଭିଯୋଗରେ ଛାନଭିନ କରୁଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା ।
Kanak News is now on WhatsApp
Join and get latest news updates delivered to you via WhatsApp
୨୦୦୭ରେ ବାୟୁସେନା ମୁଖ୍ୟ ପଦରୁ ଅବସର ନେଇଥିବା ତ୍ୟାଗିଙ୍କୁ ଏହି ମାମଲାରେ ପୂର୍ବରୁ ବହୁବାର ଜେରା କରିଥିଲା ସିବିଆଇ । ଫିନମେକିନାକାର ବ୍ରିଟିସ କମ୍ପାନି ଅଗସ୍ତା ୱେଷ୍ଟଲାଣ୍ଡଠାରୁ ୧୨ଟି ଭିଭିଆଇପି ହେଲିକପ୍ଟର କିଣିବା ପାଇଁ ଭାରତୀୟ ବାୟୁସେନା କରିଥିବା ଚୁକ୍ତିକୁ ୨୦୧୪ ଜାନୁଆରୀରେ ବାତିଲ କରିଦେଇଥିଲେ କେନ୍ଦ୍ର ସରକାର ।
କମ୍ପାନି ସହ ଡିଲ କରିବାକୁ ୪୨୩ କୋଟି ଟଙ୍କାର ଲାଂଚ କାରବାର ହୋଇଥିବା ଅଭିଯୋଗ ରହିଥିଲା । ମାମଲାର ଛାନଭିନ କରୁଥିବା ସିବିଆଇ ଏସ.ପି. ତ୍ୟାଗିଙ୍କ ସଂପୃକ୍ତି ଥିବା ଜାଣିବା ପରେ ତାଙ୍କୁ ଗିରଫ କରିଛି । ଏଥିସହ ଦିଲ୍ଲୀର ଜଣେ ଆଇନଜୀବୀ ଗୌତମ ଖୈତାନ ଓ ସଂଜୀବ ତ୍ୟାଗି ଓରଫ ଜୁଲି ତ୍ୟାଗିଙ୍କୁ ମଧ୍ୟ ଗିରଫ କରିଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା