ଅଲୋଡା ନୁହେଁ ଗୋବର ! ଏବେ ଗୋପାଳକ ଟନ୍ ଟନ୍ ଗୋବର ବିକ୍ରି କରି କମାଇପାରିବେ ଏତେ ଟଙ୍କା ।
ଗୋଶାଳାରୁ ପ୍ରତିଦିନ ବାହାରୁଥିବା ଟନ୍ ଟନ୍ ଗୋବର ଯେ କେବଳ ସାର,ବିଜୁଳୀ ଏବଂ ଗ୍ୟାସ୍ ପ୍ରସ୍ତୁତି ପାଇଁ ବ୍ୟବହାର ହୁଏ ତାହା ନୁହେଁ । ଗୋବର ଦ୍ୱାରା ପଶୁପାଳକଙ୍କୁ ବି ପ୍ରତିମାସରେ ହଜାର ହଜାର ଟଙ୍କାର ଲାଭ ହୋଇପାରିବ । ଉତ୍ତର ଦିଲ୍ଲୀ ନଗର ନିଗମରୁ ଏହି କଥାର ପ୍ରଚାର କରାଯାଇ ଭଲସ୍ତା ଡାଏରୀରେ ଗୋଟିଏ ବାୟୋ ମିଥନାଇଜେସନ୍ ପ୍ଲାଣ୍ଟ ୍ ପ୍ରସ୍ତୁତ କରିବା ଆରମ୍ଭ କରିଛନ୍ତି । ଏଥିରେ ବ୍ୟବହାର ହେଉଥିବା ଟନ୍ ଟନ୍ ଗୋବର ପାଇଁ ଗୋପାଳକଙ୍କୁ ୬୫୧ ଟଙ୍କା ମଧ୍ୟ ମିଳିବ । ଏହି ଯୋଜନାକୁ ସବୁଜ ସଂକେତ ମିଳିବା ପରେ ଗୋଶାଳାରେ ଗୋବର ଜାମ୍ ହେବାର ଅସୁବିଧା ରହିବ ନାହିଁ । ପ୍ରଥମେ କିଛି ଡାଏରୀକୁ ଏଥିରେ ସାମିଲ କରାଯିବ ଏହାପରେ ଅନ୍ୟ ଡାଏରୀ ମଧ୍ୟ ଏଥିରେ ସାମିଲ ହେବେ । ଏହି ଯୋଜନା ପାଇଁ ପ୍ରଥମେ ଟେଣ୍ଡର ଜାରି କରାଯିବା ପରେ ଏଥିପାଇଁ ଜମି ଚିହ୍ନଟ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ନିଗମର ଆଗାମୀ ବୈଠକରେ ଏହି ଯୋଜନାକୁ ସବୁଜ ସଂକେତ ମିଳିବା ନେଇ ଲକ୍ଷ ରହିଛି । ପ୍ଲାଣ୍ଟ ପ୍ରସ୍ତୁତ ହେବା ପରେ ସଂଚାଳନ ପାଇଁ ଏଜେନ୍ସିକୁ ତିନି କୋଟି ଟଙ୍କା ପଇଠ କରିବାକୁ ପଡିବ । ଦୁଇ ଡାଏରୀ ପାଇଁ ପ୍ରତିଦିନ ୧୬୦ ଟନ୍ ଗୋବର ବାହାରୁଛି । ଯାହାକୁ ବାୟୋ ମେଥନାଇଜେସନ୍ ପ୍ଲାଣ୍ଟ ପାଇଁ ବ୍ୟବହାର କରାଯିବ । ଗୋପାଳକଙ୍କୁ ପ୍ରତି ଟନ୍ ପାଇଁ ଏଜେନ୍ସି ତରଫରୁ ୬୫୧ ଟଙ୍କା ଦେବାକୁ ପଡିବ ।