ଆଖି ଅପରେସନର ସାଙ୍ଘାତିକ ଚିତ୍ର ! ଟର୍ଚ୍ଚ ଆଲୁଅରେ ହେଲା ୩୨ ଜଣଙ୍କ ମୋତିଆବିନ୍ଦୁ ଅସ୍ତ୍ରୋପଚାର
କନକ ବ୍ୟୁରୋ : ଟର୍ଚ୍ଚ ଆଲୁଅରେ ଚାଲିଛି ଆଖି ଅପରେସନ୍ । ଜଣେ କି ଦୁଇଜଣ ନୁହେଁ, ୩୨ ଜଣ ରୋଗୀଙ୍କର ମୋତିଆବିନ୍ଦୁ ଅସ୍ତ୍ରୋପଚାର କରାଗଲା ବିନା ବିଜୁଳି ଆଲୁଅରେ । ହସ୍ପିଟାଲରେ ବିଜୁଳି ନଥିବାବେଳେ ଜେନେରେଟର କିମ୍ବା ବ୍ୟାଟେରୀ ଭଳି କୌଣସି ବ୍ୟାକଅପ ବ୍ୟବସ୍ତା ନଥିବାରୁ ଏଭଳି ଚିତ୍ର ସାମ୍ନାକୁ ଆସିଛି । ଏପରି ଘଟଣା ଘଟିଛି ଉତ୍ତରପ୍ରଦେଶ ଉନାଓ ଜିଲ୍ଲା ନବାବଜଙ୍ଗ କମ୍ୟୁନିଟି ହେଲଥ ସେଂଟରର ।
Kanak News is now on WhatsApp
Join and get latest news updates delivered to you via WhatsApp
ଟର୍ଚ୍ଚ ଆଲୁଅରେ ଅପରେସନ ଭଳି ସାଙ୍ଘାତିକ ଖବର ସାମ୍ନାକୁ ଆସିବା ପରେ ସ୍ଥାନୀୟ ଜିଲ୍ଲାପାଳ ମାମଲାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଅଭିଯୋଗରେ ସତ୍ୟାସତ୍ୟ ଥିଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ । ସେପଟେ ଏକକାଳୀନ ଏତେ ମୋତିଆ ବିନ୍ଦୁ ଅପରେସନ ପରେ ମଧ୍ୟ ରୋଗୀଙ୍କୁ ଆବଶ୍ୟକୀୟ ବେଡ ମିଳିନଥିବା ଅଭିଯୋଗ ହୋଇଛି । ପ୍ରବଳ ଶୀତରେ ରୋଗୀମାନଙ୍କୁ ତଳେ ଶୋଇବାକୁ ଦିଆଯାଇଥିବାରୁ ଅସନ୍ତୋଷ ଦେଖାଦେଇଛି ।