ଓଲିଉଡରେ କାଷ୍ଟିଂ କାଉଚ ଅଭିଯୋଗ : ସୋନିକାଙ୍କ ପରେ ମୁହଁ ଖୋଲିଲେ ଅଭିନେତ୍ରୀ ଲିନା ଦାସ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ପ୍ରଭାସ ରାଉତଙ୍କ ଓଲିଉଡ କନେକସନ ନେଇ କଥା ଆସିବା ପରେ ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିଛି । ଏହି ଚିଟଫଣ୍ଡ ଠକ ଓ ବିଲଡରମାନେ କାହିଁକି ଆସିଥିଲେ ସିନେମା ନିର୍ମାଣ ପାଇଁ । ଏହାର ଗୁମର ଖୋଲିଛନ୍ତି ଅଭିନେତ୍ରୀ ଲିନା ଦାସ । କନକ ନ୍ୟୁଜରେ ଦୁଇ ଦିନ ପୂର୍ବରୁ ସୋନିକା ରାୟ ଓଲିଉଡରେ କାଷ୍ଟିଂ କାଉଚ ଗୁମର ଖୋଲିବା ପରେ ଆଜି ଅଭିନେତ୍ରୀ ଲିନା ଦାସ ଆହୁରି ଭିତିରି କଥା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଲିନା ଆହୁରି ମଧ୍ୟ କହିଛନ୍ତି ଯେ କାହିଁକି ସୁଟିଂ ବେଳେ ଅଭିନେତ୍ରୀଙ୍କ ସହ ବାରମ୍ବାର ଟେକ ନେବାକୁ ଚେଷ୍ଟା କରାଯାଏ । ନବାଗତା ଅଭିନେତ୍ରୀମାନେ ଏହାର ଉଦେଶ୍ୟ ବୁଝି ପାରନ୍ତି ନାହିଁ । ଏହି ବାହାନାରେ ଅଭିନେତ୍ରୀମାନଙ୍କ ଶରୀରକୁ ଛୁଇଁବାକୁ ଚେଷ୍ଟା କରନ୍ତି ନିର୍ଦେଶକ ।
ଓଲିଉଡରେ ଏଭଳି କଥା ଧିରେ ଧିରେ ପଦାକୁ ଆସିବାରେ ଲାଗିଛି । ଲିନା ଆଉ ଏକ ଉଦାହରଣ ଦେଇ କହିଛନ୍ତି, ନବାଗତା ଅଭିନେତ୍ରୀମାନଙ୍କୁ ବିଭିନ୍ନ ଉପାୟରେ ମାନସିକ ଚାପ ପକାଇଥାନ୍ତି । ଆଉ ଶେଷରେ ଅଭିନେତ୍ରୀ ଜଣକ ବାଧ୍ୟ ହୋଇ କଂପ୍ରମାଇଜ କରିବାକୁ ନିର୍ମାତା କିମ୍ବା ନିର୍ଦେଶକଙ୍କ କଥା ମାନିଯାନ୍ତି ।
ଅଭିନେତ୍ରୀ ସୋନିକା ରାୟଙ୍କ ପରେ ଲୀନା ଦାସଙ୍କ ଏହି ଅଙ୍ଗେ ନିଭା କଥା ଓଲିଉଡର ଭିତିରି କଥାକୁ ବୟାନ କରୁଛି । ଏବଂ ଧିରେ ଧିରେ ସ୍ପଷ୍ଟ ହେଉଛି, ଚିଟଫଣ୍ଡ ଖଳ ନାୟକ ଓ ବିଲଡରମାନେ କାହିଁକି ଆସୁଛନ୍ତି ଏହି ଗ୍ଲାମର ଦୁନିଆଁକୁ ।