କନକ ବ୍ୟୁରୋ : କାଷ୍ଟିଂ କାଉଚ୍ । କଳା ଜଗତରେ କଳଙ୍କ । ଓଲିଉଡର ଏ ବ୍ୟାଧି ଏବେ ଯଲିଉଡ୍ ମୁହାଁ । ଚର୍ଚ୍ଚିତ କମେଡିଆନ୍ ପପୁ ପମପମ୍ ଗିରଫ ହେବା ପରେ କାଷ୍ଟିଂ କାଉଚର ଚର୍ଚ୍ଚା ଘରେ ଘରେ । ଏହାପରେ ଜଣେ ସିରିଏଲ୍ ଅଭିନେତ୍ରୀଙ୍କ ଅଭିଯୋଗ କଳାଜଗତକୁ ଚମକାଇ ଦେଇଥିଲା । ଏ ବଦନାମୀର ଚର୍ଚ୍ଚା ଥମି ନଥିବା ବେଳେ ଯଲିଉଡରୁ ଆସିଛି ପୁଣି ଏକ ଅଭିଯୋଗ । ଥାନାରେ ଫେରାଦ୍ ହୋଇଛନ୍ତି ଇନ୍ଦ୍ରଭୂବନ ଯାତ୍ରା ପାର୍ଟିର ପାଶ୍ୱର୍ ଅଭିନେତ୍ରୀ । ସେ କହିଛନ୍ତି ପାର୍ଟିର ମ୍ୟାନେଜର ତାଙ୍କୁ ହିରୋଇନ୍ କରି ଦେବାର ଲୋଭ ଦେଖାଇ ଶାରୀରିକ ସଂପର୍କ ସ୍ଥାପନ ପାଇଁ ଅଫର୍ ଦେଇଥିଲେ । ଆଉ ଏନେଇ ସେ ଲିଖିତ ଏତଲା ସହ ଥାନାରେ ଫେରାଦ୍ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସାଇଡ୍ ହିରୋଇନଙ୍କ ଅଭିଯୋଗ ପଛରେ ଷଡଯନ୍ତ୍ର ରହିଛି ବୋଲି ପାଲଟା ଅଭିଯୋଗ କରିଛନ୍ତି ଯାତ୍ରା ଜଗତର କଳାକାର । ଥାନାରେ ଅଟକ ଥିବା ମ୍ୟାନେଜରଙ୍କ ସପକ୍ଷରେ ଆସିଛନ୍ତି କଳାକାର । ଏହାସହ କଟକ ବାଲିକୁଦା ସଦର ଥାନା ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ସେପଟେ ଯାତ୍ରା ଜଗତରୁ ଏଭଳି ବଦନାମୀ ଖବର ଆସିବା ପରେ ଯଲିଉଡର ଅନେକ ବରିଷ୍ଠ ଓ ଲୋକପ୍ରିୟ କଳାକାର ନିଜ ପ୍ରତିକ୍ରିୟା ରଖିଛନ୍ତି । ଅପେକ୍ଷା ଏବେ ପୁଲିସର ତଦନ୍ତ ରିପୋର୍ଟକୁ । କାରଣ ତଦନ୍ତ ପରେ ଜଣା ପଡିବ କ୍ୟାରିୟର ପାଇଁ କାଷ୍ଟିଂ କାଉଚ୍ ଏକ ବାହାନା ନା ପ୍ରକୃତରେ କଳା ଜଗତର ପରଦା ପଛରେ ଲାଗିଛି କଳଙ୍କର ଦାଗ ।
ନ୍ୟୁଜ୍ ସହ ଦେଖନ୍ତୁ ଏହି ଭିଡିଓ –