ମହିଳାଙ୍କୁ ନେଇ ବିବାଦୀୟ ବୟାନ ଦେବା ଘଟଣା ! ପାଣ୍ଡ୍ୟା, ରାହୁଲଙ୍କ ସମେତ କରଣ ଜୋହରଙ୍କ ନାଁରେ ମାମଲା ରୁଜୁ ।
କରଣ ଜୋହରଙ୍କ ଚାଟ୍ ସୋ’ କଫି ଉଇଥ୍ କରଣକୁ ଯାଇ ମହିଳାମାନଙ୍କୁ ନେଇ ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଯେଉଁ ବୟାନ ଦେଇଥିଲେ, ତାହାକୁ କେନ୍ଦ୍ର କରି ଅନେକ ଝଡ଼ ସୃଷ୍ଟି ହୋଇଥିଲା । କିଛି ଦିନ ହେବ ଏ ନେଇ ଚର୍ଚ୍ଚା କମ ହୋଇ ଆସୁଥିବା ବେଳେ ଏବେ ଏହି ଘଟଣାକୁ ନେଇ ଆଉ ଏକ ନୂଆ ଖବର ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଏହି ମାମଲାକୁ ନେଇ କରଣ ଜୋହରଙ୍କ ଉପରେ କୌଣସି ପ୍ରଭାବ ପଡ଼ି ନଥିବା ବେଳେ ଏବେ ତାହାର ପ୍ରଭାବ କରଣଙ୍କ ଉପରେ ପଡ଼ିଥିବା ଦେଖା ଯାଇଛି । ପାଣ୍ଡ୍ୟା-ରାହୁଲଙ୍କ ସମେତ କରଣଙ୍କ ବିରୋଧରେ ମଧ୍ୟ ଯୋଧପୁରରେ ମାମଲା ରୁଜ୍ଜୁ ହୋଇଥିବା ଜଣା ପଡ଼ିଛି । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ସୂଚନା ମୁତାବକ, ହାର୍ଦ୍ଦିକ ପାଣ୍ଡ୍ୟା କଫି ଉଇଥ୍ କରଣକୁ ଆସି କରଣ ପଚାରିଥିବା ପ୍ରଶ୍ନର ଆପତ୍ତିଜନକ ଉତ୍ତର ଦେଇଥିଲେ । ସୋ’ର ପ୍ରସାରଣ ହେବା ପରେ ଏହାକୁ ନେଇ ବିବାଦ ଆରମ୍ଭ ହୋଇ ଯାଇଥିଲା । ବିବାଦ ଜୋର ଧରିବା ପରେ ଅନଲାଇନ୍ ଚ୍ୟାନେଲ ହଟଷ୍ଟାର ଏହାକୁ ନିଜ ଚ୍ୟାନେଲରୁ ହଟାଇ ଦେଇଥିଲା ।