ଆପଣ ମଧ୍ୟ କ୍ୟାଣ୍ଡିକ୍ରସ୍ ଆଉ ଲୁଡୋ ଭଳି ଗେମ୍ ଖେଳୁଛନ୍ତି କି ? ତେବେ ତୁରନ୍ତ ଛାଡନ୍ତୁ ,ଡାଟା ଲିକ୍ କରୁଛି ଏହି ଗେମିଙ୍ଗ୍ ଆପ୍ ।
ଆଜିକାଲି ସମସ୍ତଙ୍କ ହାତରେ ଗୋଟିଏ ଗୋଟିଏ ମୋବାଇଲ୍ ଫୋନ୍ । ମୋବାଇଲ୍ ୟୁଜର୍ ମଧ୍ୟ କ୍ୟାଣ୍ଡିକ୍ରସ୍ ,ଲୁଡୋ ଏବଂ ଚେସ୍ ଭଳି ଅନେକ ଗେମ୍ ଖେଳିବାକୁ ଭଲ ପାଉଛନ୍ତି । କିନ୍ତୁ ଏକ୍ସପର୍ଟଙ୍କ ମତରେ କେବଳ ଫେସବୁକ୍ କିମ୍ବା ହ୍ୱାଟସଆପ୍ ନୁହଁ ଏଭଳି ଗେମିଙ୍ଗ୍ ଆପ୍ ବି ଡାଟା ଲିକ୍ କରିବା ପାଇଁ ଦାୟୀ ହୋଇଥାନ୍ତି । ଆଇଟିୟୁ ମତରେ ଭାରତରେ ଅଧିକ ସ୍ମାର୍ଟଫୋନ୍ ୟୁଜର ରହିଛନ୍ତି । ଭାରତର ଲୋକମାନେ ପ୍ରତିଦିନ ୪ ଘଣ୍ଟା ଆପ୍ ରେ ବ୍ୟବହାର କରିଥାନ୍ତି । ୨୦୧୬ ରେ ୟୁଜର୍ ୬୦୦ କୋଟିରୁ ଅଧିକ ଆପ୍ ଡାଉନଲୋଡ୍ କରିଥିଲେ । ୨୦୧୫ ରେ ଏହା ୩୦୦ କୋଟି ଏବଂ ଏହାଦ୍ୱାରା ସେମାନେ ୧୪୫ ବିଲିୟନ୍ ଘଣ୍ଟା ମୋବାଇଲରେ ହିଁ ବିତାଉଥିଲେ । ଏହାଦ୍ୱାରା ଜଣାପଡୁଛି କି ଆପ୍ ଏବଂ ଅନ୍ୟ ଗେମିଙ୍ଗ୍ ଆପ୍ ଗୁଡିକ ଭାରତରେ କେତେ ବ୍ୟାପକ ହେଲାଣି ।
Kanak News is now on WhatsApp
Join and get latest news updates delivered to you via WhatsApp
ସାଇବର୍ ସିକ୍ୟୁରିଟି ଏକ୍ସପର୍ଟଙ୍କ କହିବାନୁସାରେ କୌଣସି ବି ଜିନିଷ ମାଗଣା ବୋଲି ନଥାଏ ଯଦି ଆପଣ କିଛି ଉପଭୋଗ କରିବାକୁ ଚାହୁଁଛନ୍ତି ତେବେ ଏହାର ଦାମ୍ ମଧ୍ୟ ଆପଣଙ୍କୁ ଦେବାକୁ ପଡିବ । ଅଧିକାଂଶ ଯୁବାବର୍ଗ ଏହି ଗେମିଙ୍ଗ୍ ସାଇଟର ବ୍ୟବହାରରେ ଆସୁଛନ୍ତି କିନ୍ତୁ ଏହାର ବିପଦ ବିଷୟରେ ଜାଣିପାରୁନାହାନ୍ତି ।
ଭାରତ ଭଳି ୧୦୪ ଦେଶର ଯୁବାବର୍ଗ ୮୦ ପ୍ରତିଶତ ଅନଲାଇନ୍ ବ୍ୟବହାର କରିଥାନ୍ତି : ଆଇଟିୟୁ ମୁତାବକ ୨୦୧୭ ପର୍ଯ୍ୟନ୍ତ ସମ୍ପୁର୍ଣ୍ଣ ବିଶ୍ୱରେ ୮୩ କୋଟି ଯୁବା ଅନଲାଇନ୍ ହୋଇସାରିଥିଲେ । ଯେଉଁଥିରେ ୩୨ କୋଟି ଲୋକ ଚୀନ୍ ଏବଂ ଭାରତରେ ରହିଛନ୍ତି । ତେବେ ଏହି ଗେମିଙ୍ଗ୍ ଆପ୍ ଗୁଡିକ ଅଧିକ ଭାରତରେ ଖେଳାଯାଉଥିବାରୁ ଏଥିରୁ ଡାଟା ଚୋରୀର ଅଧିକ ବିପଦ ମଧ୍ୟ ଦେଖାଦେଉଛି ।