ଆଜି ଆଂଶିକ ପ୍ରଭାବିତ ହେବ ଟ୍ରେନ ଯାତ୍ରା : ଖଲିକୋଟ ଓ ଚିଲିକା ଷ୍ଟେସନରେ ନିର୍ମାଣ କାମ ଚାଲିଥିବାରୁ ବ୍ରହ୍ମପୁରରୁ ବାଲୁଗାଁ ମଧ୍ୟରେ ଟ୍ରେନ ଚଳାଚଳ ବନ୍ଦ
କନକ ବ୍ୟୁରୋ: ଯାତ୍ରୀ ସୁରକ୍ଷାକୁ ଦୃଷ୍ଟିରେ ରଖି ତଥା ଅତ୍ୟାଧୁନିକ ନିର୍ମାଣ କାମ ଯୋଗୁଁ ଆଜି ଭୁବନେଶ୍ୱର-ବ୍ରହ୍ମପୁର ପାସେଞ୍ଜର ଟ୍ରେନରେ ଯାତ୍ରା କରିବାକୁ ଚାହୁଁଥିବା ଯାତ୍ରୀମାନେ ଆଂଶିକ ଭାବେ ପ୍ରଭାବିତ ହେବେ। ପୂର୍ବତଟ ରେଳପଥ ପକ୍ଷରୁ ମିଳିଥିବା ସୂଚନା ଅନୁସାରେ ଖୋର୍ଦ୍ଧା ରୋଡ଼ ଡିଭିଜନ ଅନ୍ତର୍ଗତ ଖଲିକୋଟ ଓ ଚିଲିକା ଷ୍ଟେସନ ମଧ୍ୟରେ ନିର୍ମାଣ କାମ ଥିବାରୁ ଭୁବନେଶ୍ୱର-ବ୍ରହ୍ମପୁର ପାସେଞ୍ଜର ଟ୍ରେନକୁ ଆଂଶିକ ରୂପେ ବାତିଲ କରାଯାଉଛି। ଫଳରେ ଉଭୟ ପାର୍ଶ୍ୱରୁ ଏହି ଟ୍ରେନ୍ ବ୍ରହ୍ମପୁରରୁ ବାଲୁଗାଁ ମଧ୍ୟରେ ଆଜି ଚଳାଚଳ ବନ୍ଦ ରହିବ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱରରୁ ଟେନ୍ ନମ୍ବର ୫୮୪୧୧ ଭୁବନେଶ୍ୱର-ବ୍ରହ୍ମପୁର ପାସେଞ୍ଜର ବାଲୁଗାଁ ପର୍ଯ୍ୟନ୍ତ ଚାଲିବ। ସେହିଭଳି ବାଲୁଗାଁରୁ ଟ୍ରେନ୍ ନମ୍ବର ୫୮୪୧୨ ବ୍ରହ୍ମପୁର-ଭୁବନେଶ୍ୱର ପାସେଞ୍ଜର ଭୁବନେଶ୍ୱର ଫେରିବ। ଉଭୟ ପାର୍ଶ୍ୱରୁ ଭୁବନେଶ୍ୱର-ବ୍ରହ୍ମପୁର-ଭୁବନେଶ୍ୱର ପାସେଞ୍ଜର ଟ୍ରେନ୍ ସେବା ବାତିଲ କରିଦିଆଯାଇଛି।