କନକ ବ୍ୟୁରୋ: ଆଜି ଛାତ୍ର ସଂସଦ ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରାଯାଉଛି । ବାଣୀବିହାର ସମେତ ରାଜ୍ୟର ବିଭିନ୍ନ କଲେଜରେ ନାମାଙ୍କନ କରାଯାଉଛି । ଆଶାୟୀ ପ୍ରାର୍ଥୀମାନେ ସମର୍ଥକଙ୍କ ସହ ଆସି ନାମାଙ୍କନ ଦାଖଲ କରୁଛନ୍ତି ରମାଦେବୀ ମହିଳା ବିଶ୍ୱବିଦ୍ୟାଳୟର ପ୍ରାର୍ଥୀ । ଏଥିପାଇଁ କଲେଜ ଗୁଡିକରେ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ଆଇନ ଶୃଙ୍ଖଳା ପରିସ୍ଥିତିକୁ ନଜରରେ ରଖି ବ୍ୟାପକ ପୁଲିସ ମୁତୟନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନାମାଙ୍କନ ପରେ ପ୍ରାର୍ଥୀପତ୍ର ଯାଂଚ, ପ୍ରତ୍ୟାହାର ପରେ ୨୨ ତାରିଖରେ ହ୍ୱାଇ ଆଇ ଷ୍ଟାଣ୍ଡ ଫର ମିଟିଙ୍ଗ ହେବ । ପ୍ରାର୍ଥୀମାନେ ନିଜର ଭାଷଣ ମାଧ୍ୟମରେ ନିଜ ସପକ୍ଷରେ ଛାତ୍ରଛାତ୍ରୀ ଆଣିବା ପାଇଁ ଚେଷ୍ଟା କରିବେ । ୨୩ ତାରିଖରେ ନିର୍ବାଚନ ହେବ ଏବଂ ଫଳାଫଳ ପ୍ରକାଶ ପାଇବ । ଗତକାଲି ନିର୍ବାଚନ ନେଇ ବିଜ୍ଞପ୍ତି ପ୍ରକାଶ ପାଇବା ପରେ ହଠାତ ରାଜ୍ୟର ଯୁକ୍ତ ୩ କଲେଜ ଓ ବିଶ୍ୱବିଦ୍ୟାଳୟଗୁଡିକ ସରଗରମ ହୋଇଉଠିଛି । କାରଣ କଲେଜ ନିର୍ବାଚନ ଏବେ ରାଜନୈତିକ ଦଳଗୁଡିକର ପ୍ରୟୋଗଶାଳା ପାଲଟିଛି ।
ଅନ୍ୟପଟେ ପୁରୀ ବ୍ରହ୍ମଗିରିର ଅଲାରନାଥ କଲେଜରେ ବୋମାମାଡ଼ ହୋଇଛି । ଅଲାରନାଥ ଧନ୍ଦାମୂଳକ ମହାବିଦ୍ୟାଳୟରେ ବୋମାମାଡ଼ କରିଛନ୍ତି ଦୁର୍ବୃତ୍ତ । ବାଇକରେ ୨ଦୁର୍ବୃତ୍ତ ଆସି ବୋମାମାଡ଼ କରି ଫେରାର ହୋଇଯାଇଛନ୍ତି । ଗୋଟିଏ ଅôଫୁଟା ବୋମା କଲେଜ ପରିସରରେ ପଡିରହିଥିବା ଦେଖିବାକୁ ମିଳିଛି । ପୁଲିସ୍ ଘଟଣାସ୍ଥଳରେ ପହଂଚି ଛାନଭିନ୍ ଆରମ୍ଭ କରିଛି । ନିର୍ବାଚନୀ ହିଂସାକୁ ନେଇ ଏହି ବୋମାମାଡ଼ ହୋଇଥିବା ସନ୍ଦେହ କରାଯାଉଛି ।
ସେପଟେ ଛାତ୍ର ଅଶାନ୍ତି କାରଣରୁ ବିଜେବି କଲେଜ ସାଇନ-ଏ-ଡାଏ ଘୋଷଣା କରାଯାଇଛି । ଛାତ୍ରୀନିବାସ ଉପରେ ଘନଘନ ବୋମାମାଡ ହେବା ପରେ କଲେଜ କର୍ତୃପକ୍ଷ ନିର୍ବାଚନ ସ୍ଥଗିତ ରଖିବାକୁ ନିଷ୍ପତି ନେଇଛନ୍ତି । ଏହାପରେ ରାସ୍ତାକୁ ଓହ୍ଲାଇଛନ୍ତି ଛାତ୍ରଛାତ୍ରୀ । ରାଜନୈତିକ ଉଦେଶ୍ୟ ରଖି କଲେଜରେ ନିର୍ବାଚନ ବାତିଲ କରାଯାଇଥିବା ଅଭିଯୋଗ ହୋଇଛି ।
ଗତକାଲି ରାତିରେ ବସିଥିବା କଲେଜ ଅଧ୍ୟାପକ ପରିଷଦର ଗୁରୁତ୍ୱପୂର୍ଣ୍ଣ ବୈଠକରେ ନିର୍ବାଚନ ବନ୍ଦ ନେଇ ନିଷ୍ପତି ନିଆଯାଇଛି । କଲେଜକୁ ଅନିର୍ଦ୍ଦିଷ୍ଟ କାଳ ପାଇଁ ସାଇନ-ଏ-ଡାଏ ଘୋଷଣା କରାଯାଇଛି । ଆଜି ସନ୍ଧ୍ୟାସୁଦ୍ଧା କଲେଜ ହଷ୍ଟେଲ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି । ଘୋଷଣାରେ କ୍ଷୁବ୍ଧ ଛାତ୍ରଛାତ୍ରୀ ରାତିରେ ରାସ୍ତା ଅବରୋଧ କରିବା ସହିତ ଭଙ୍ଗାରୁଜା କରିଛନ୍ତି ।