ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ରାଜ୍ୟ ମନ୍ତ୍ରୀମଣ୍ଡଳରେ ଯେକୌଣସି ସମୟରେ ପରିବର୍ତନ ହୋଇପାରେ । ରାଜ୍ୟପାଳ ଭୁବନେଶ୍ୱର ଫେରିଥିବାରୁ ଯେକୌଣସି ମୁହୂର୍ତରେ ମନ୍ତ୍ରିମଣ୍ଡଳରେ ଅଦଳବଦଳ ହୋଇପାରେ ବୋଲି ଚର୍ଚ୍ଚା ହେଉଛି । ତେବେ ସପ୍ତାହକ ମଧ୍ୟରେ ଏହି ଅଦଳବଦଳ ହୋଇପାରେ ବୋଲି ବିଶେଷ ସୂତ୍ରରୁ ଜଣାପଡ଼ିଛି । ଏଥିରେ ନିଜ ବିଭାଗରେ ଦକ୍ଷତା ପ୍ରଦର୍ଶନ କରିପାରିନଥିବା କେତେକ ମନ୍ତ୍ରୀଙ୍କୁ ବାଦ୍ ଦେଇ ନୂଆ ମନ୍ତ୍ରୀଙ୍କୁ ନେବା ପାଇଁ ଚର୍ଚ୍ଚା ଚାଲିଛି । ଦଳର ଭାବମୂର୍ତି ଦୃଷ୍ଟିରୁ ବିବାଦରେ ଥିବା ଜଣେ ଯୁବ ମନ୍ତ୍ରୀଙ୍କୁ ମନ୍ତ୍ରିମଣ୍ଡଳରୁ ବାଦ୍ ଦିଆଯାଇପାରେ ବୋଲି କୁହାଯାଛି ।
Kanak News is now on WhatsApp
Join and get latest news updates delivered to you via WhatsApp
ଆଗକୁ ପଂଚାୟତ ନିର୍ବାଚନ ଆସୁଥିବା ବେଳେ ଜଣେ ବରିଷ୍ଠ ମନ୍ତ୍ରୀଙ୍କୁ ମନ୍ତ୍ରୀମଣ୍ଡଳରୁ କାଢ଼ିନେଇ ସଂଗଠନର ଦାୟିତ୍ୱ ଦେବାକୁ ଚିନ୍ତା କରାଯାଉଛି । ଏଥିରେ କିଛି ଯୁବ ବିଧାୟକ ଓ ମୁଖପାତ୍ରଙ୍କୁ ମନ୍ତ୍ରୀମଣ୍ଡଳରେ ସ୍ଥାନ ମିଳିପାରେ ବୋଲି ଚର୍ଚ୍ଚା ହେଉଛି । ସେହିଭଳି ଜଣେ ମୁଖପାତ୍ରଙ୍କୁ ଉପମୁଖ୍ୟସଚେତକ ପଦ ଦିଆଯାଇପାରେ ବୋଲି କୁହାଯାଉଛି । ଅନ୍ୟପଟରେ ବାଲେଶ୍ୱରର ଜଣେ ବିଧାୟକଙ୍କୁ ମନ୍ତ୍ରୀ କରାଯାଇପାରେ । ସେହିଭଳି ଜଣେ ମହିଳା ମନ୍ତ୍ରୀଙ୍କ ସ୍ଥାନରେ ପଶ୍ଚିମ ଓଡ଼ିଶାର ଜଣେ ମହିଳା ବିଧାୟକଙ୍କୁ ମନ୍ତ୍ରୀ ଭାବେ ନିଆଯାଇପାରେ ବୋଲି ଚର୍ଚ୍ଚା ହେଉଛି ।