ରାଜ୍ୟ କ୍ୟାବିନେଟ୍ ବୈଠକରେ ୮ଟି ପ୍ରସ୍ତାବ ଉପରେ ଲାଗିଲା ମୋହର !
କନକ ବ୍ୟୁରୋ : ରାଜ୍ୟ କ୍ୟାବିନେଟ୍ ବୈଠକରେ ଆଜି ୮ଟି ପ୍ରସ୍ତାବ ଉପରେ ମୋହର ଲାଗିଛି । ରାଜ୍ୟର ୪ଟି ନୂଆ ମେଡ଼ିକାଲର ଶିକ୍ଷକଙ୍କୁ ଆର୍ଥିକ ପ୍ରୋତ୍ସାହନର ପ୍ରସ୍ତାବ ମଂଜୁରୀ ମିଳିଛି । ବଲାଙ୍ଗିର ଏବଂ କୋରାପୁଟ୍ ମେଡ଼ିକାଲରେ ଯୋଗଦେଉଥିବା ପ୍ରଫେସରଙ୍କୁ ମାସିକ ଅଧିକ ୧ ଲକ୍ଷ ୨୫ ହଜାର, ଏସୋସିଏଟ୍ ପ୍ରଫେସରଙ୍କୁ ମାସିକ ଅତିରିକ୍ତ ୧ଲକ୍ଷ ଏବଂ ଆସିଷ୍ଟାଣ୍ଡ ପ୍ରୋଫେସରଙ୍କୁ ଅତିରିକ୍ତ ୫୦ ହଜାର ଟଙ୍କା ଆର୍ଥିକ ପ୍ରୋତ୍ସାହନ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବାରିପଦା ଏବଂ ବାଲେଶ୍ୱର ମେଡ଼ିକାଲ କଲେଜର ପ୍ରଫେସରଙ୍କୁ ମାସିକ ଅତିରିକ୍ତ ୩୫ ହଜାର, ଏସୋସିଏଟ୍ ପ୍ରଫେସରଙ୍କୁ ମାସିକ ଅତିରକ୍ତ ୨୫ ହଜାର ଏବଂ ଆସିଷ୍ଟାଣ୍ଟ୍ ପ୍ରଫେସରଙ୍କୁ ୧୫ ହଜାର ଟଙ୍କା ଅତିରିକ୍ତ ଆର୍ଥିକ ପ୍ରୋତ୍ସାହନ ଦିଆଯିବ । ସେହିପରି କଳିଙ୍ଗ ଶିକ୍ଷା ସାଥୀ ଯୋଜନାରେ ଋଣ ପରିଶୋଧର ପ୍ରଥମ କିସ୍ତିର ଧାର୍ଯ୍ୟ ସମୟରେ ୯୦ ଦିନ କୋହଳ କରାଯାଇଛି । ଫଳରେ ଛାତ୍ରଛାତ୍ରୀମାନେ ଏକ ପ୍ରତିଶତ ହାରରେ ସୁଧଦେବାର ସୁଯୋଗରୁ ବଂଚିତ ହେବେ ନାହିଁ । ଏହି ଭଳି ୮ଟି ପ୍ରସ୍ତାବକୁ କ୍ୟାବିନେଟର ମଂଜୁରୀ ମିଳିଛି ।