ସିଏଏ ବିକ୍ଷୋଭକାରୀଙ୍କୁ ଧରିବା ପାଇଁ ନୂଆ ପଇଁତରା : କିଏ ଠେଲାବାଲା ସାଜିଲା ତ କିଏ କାଟିଲା ନିଶ . . . .
କନକ ବ୍ୟୁରୋ : ନାଗରିକତା ସଂଶୋଧନ ଆଇନ ବିରୋଧରେ ସାରା ଦେଶରେ ବିକ୍ଷୋଭ ଲାଗି ରହିଛି । କମିବା ପରିବର୍ତ୍ତେ ଦିନକୁ ଦିନ ହିଂସା ବଢ଼ିବାରେ ଲାଗିଛି । ତେବେ ଏନେଇ ଉତ୍ତରପ୍ରଦେଶ ପୋଲିସ୍ ଲଗାତାର ପ୍ରୟାସ ଜାରି ରଖିଛି । ବିକ୍ଷୋଭକାରୀଙ୍କୁ ଗିରଫ କରିବା ପାଇଁ ବେଶ ବଦଳାଉଛନ୍ତି ପୋଲିସ୍ । ଆଗ୍ରାର ଫିରୋଜାବାଦ ଠାରେ ବିକ୍ଷୋଭକାରୀଙ୍କୁ ଧରିବା ପାଇଁ ପୋଲିସକର୍ମୀମାନେ କିଛି ଏପରି ପଇଁତରା ଆପଣାଇଛନ୍ତି । କେବଳଳ ଏତିକି ନୁହେଁ ଆଉ ଜଣେ ପୋଲିସ ବାବୁ ତ ନିଜର ନିଶ ମଧ୍ୟ କାଟି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ମଣ୍ଟୋଲା ଥାନା ସ୍ଥିତ ସୁବାଷ ବଜାର ପୋଲିସ ଇନଚାର୍ଜଙ୍କୁ ଗୋପନୀୟ ସୁତ୍ରରୁ ସୂଚନା ମିଳିଥିଲା ଯେ, ଫିରୋଜାବାଦ ଆସିଥିବା କିଛି ଲୋକ ହିଂସା ପାଇଁ ପ୍ରବର୍ତ୍ତାଉଛନ୍ତି । ନାଗରିକତା ସଂଶୋଧନ ଆଇନ ବିରୋଧରେ ବିକ୍ଷୋଭ କରିବା ପାଇଁ ଉସକାଉଛନ୍ତି । ଆଉ ଏହି ସୂଚନା ମିଳିବା ପରେ ପୋଲିସ ବାବୁମାନେ ଆକ୍ସନ ମୋଡ଼ରେ ଆସିଯାଇଛନ୍ତି । ଆଉ ଏଥିପାଇଁ କିଏ ନିଶ କାଟି ନିଜର ଚେହେରା ବଦଳାଇ ଦେଲା ତ ପୁଣି ଆଉ କିଏ ମୁଣ୍ଡରେ ଗାମୁଛା ବାନ୍ଧି ଠେଲା ବାଲା ସାଜିଲା । ଏହିପରି କରିବା ଦ୍ୱାରା ପୋଲିସକୁ ଅନେକ କିଛି ସୂଚନା ମିଳିଥିବା ଜଣାପଡିଛି ।
ତେବେ ପୋଲିସବାବୁଙ୍କ ଏହି କାମ ପାଇଁ ତାଙ୍କ ଉପରିସ୍ଥ ଅଧିକାରୀଙ୍କ ଠାରୁ ପ୍ରଶଂସାପତ୍ର ମିଳିବ । ତେବେ ପୋଲିସ ବାବୁଙ୍କ କର୍ତ୍ତବ୍ୟନିଷ୍ଠା ପାଇଁ ଚାରିଆଡ଼ୁ ପ୍ରଶଂସାର ସୁଅ ଛୁଟିଛି ।