କିଛି ସମୟ ପରେ ବିଜେଡିର ବ୍ୟାସନଗର ପରୀକ୍ଷା : ଚାଲିଛି ରୁଦ୍ଧ ଦ୍ୱାର ବୈଠକ
କନକ ବ୍ୟୁରୋ : ବିଜେଡି ପାଇଁ ଆଜି ଅଗ୍ନିପରୀକ୍ଷା । ଗୋଟାଏ ପରେ ଗୋଟାଏ ପୌର ପରିଷଦ ହାତରୁ ଯିବା ପରେ, ଏବେ ବ୍ୟାସନଗର ପାଳି । ସବିତା ରାଉତ ପୌରାଧ୍ୟକ୍ଷା ପଦରେ ରହିବେ ନା ନାହିଁ ସେନେଇ ଆଜି ଚୂଡାନ୍ତ ହେବ । ଜଣେ ସ୍ୱାଧୀନ କାଉନସିଲରଙ୍କ ସହ ୯ କଂଗ୍ରେସ କାଉନସିଲର, ଅଧ୍ୟକ୍ଷାଙ୍କ ବିରୋଧରେ ଆଣିଛନ୍ତି ଅନାସ୍ଥା ପ୍ରସ୍ତାବ । ଭୋଟିଂ ପାଇଁ ଆଜିର ଦିନ ସ୍ଥିର ହୋଇଥିବାବେଳେ ଅନାସ୍ଥା ସପକ୍ଷରେ ଭୋଟ ଦେବାକୁ କଂଗ୍ରେସ ତାର ସମସ୍ତ କାଉନସିଲରଙ୍କୁ ହ୍ୱିପ ଜାରି କରିସାରିଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହାରି ଭିତରେ ବିଜେଡି ମଧ୍ୟ ହୁଇପଜାରି କରି, ଏହାର ସମସ୍ତ କାଉନସିଲରଙ୍କୁ ଅନାସ୍ଥା ଭୋଟିଂରୁ ଦୂରେଇ ରହିବାକୁ କହିଛି । ଦଳ ସୁପ୍ରିମୋଙ୍କ ହୁଇପକୁ ସମସ୍ତେ ମାନିବେ ବୋଲି କହିଛନ୍ତି । ହେଲେ, ଚର୍ଚ୍ଚା ହେଉଛି ଦୁଇ ଦୁଇ ଥର ଯାଜପୁରରେ ବରିଷ୍ଠ ମନ୍ତ୍ରୀ ଡେରା ପକାଇ ବିବାଦ ଥମାଇବାକୁ ଉଦ୍ୟମ କରି ବିଫଳ ହୋଇଥିଲେ। ଆଜିର ଅନାସ୍ଥା ଭୋଟରେ ବିଜେଡି କାଉନସିଲର ସାମିଲ ହେବେ ନାହିଁ କିନ୍ତୁ ୭ ଦିନ ଭିତରେ ସବିତା ରାଉତ ଅଧ୍ୟକ୍ଷା ପଦ ଛାଡିବେ ବୋଲି ସର୍ତ ରଖାଯାଇଥିବା ମଧ୍ୟ ଶୁଣିବାକୁ ମିଳୁଛି ।