ଏଣିକି ସେଟଅପ ବକ୍ସର ପୋଟାବିଲିଟି ସମ୍ଭବ ! ମୋବାଇଲ ସିମ୍ ଭଳି ବଦଳାଇପାରିବେ ସର୍ଭିସ ପ୍ରୋଭାଇଡର
ଏଣିକି ସେଟଅପ ବକ୍ସର ପୋଟାବିଲିଟି ସମ୍ଭବ
କନକ ବ୍ୟୁରୋ : ବର୍ତମାନ ସମୟରେ ଘରେ ଘରେ ସମସ୍ତେ ଟିଭି ଦେଖିବାରେ ଅଭ୍ୟସ୍ତ । କେବଳ ଅଭ୍ୟସ୍ତ କହିଲେ ହେବ ନାହିଁ ବରଂ ବିନା ଟିଭିରେ ଲୋକମାନେ ବଞ୍ଚିବା କଷ୍ଟ ବୋଲି କହିଲେ ଅତ୍ୟୁକ୍ତି ହେବ ନାହିଁ । ତେବେ ଆପଣ ଆପଣଙ୍କ ଘରକୁ ଟିଭି କନେକ୍ସନ ଦେଇଥିବା ଅପରେଟର ଉପରେ ଯଦି ଆପଣ ଅଶାନ୍ତି ହେଉଛନ୍ତି । ତାହାଲେ ଆଉ ଚିନ୍ତା କରନ୍ତୁ ନାହିଁ । ମୋବାଇଲରେ ସିମ ବଦଳାଇବା ପରି ଆପଣ ମଧ୍ୟ ଟିଭି ଅପରେଟର ବଦଳାଇ ପାରିବେ । ମିଳିଥିବା ସୂଚନା ଅନୁସାରେ ଟ୍ରାଇ ୨୦୧୯ ମସିହାରେ ଏପରି ନିୟମ ଆଣିବା ପାଇଁ ଯାଉଛି ଯେ ଆପଣ ଆପଣଙ୍କ ସେଟ ଅପ ବକ୍ସ ଯେକୌଣସି କମ୍ପାନୀର କାର୍ଡ ଲଗାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଭାରତରେ ଯେଉଁମାନେ ନିଜ କେବୁଲ ଅପରେଟରଙ୍କ ସହ ଖୁସି ନାହାନ୍ତି ସେମାନେ ବର୍ତମାନ ସମୟରେ ନିଜ ମନପସନ୍ଦ ଅନୁସାରେ ସେଟ ଅପ ବକ୍ସରେ କାର୍ଡ ଲଗାଇପାରିବେ । ଟ୍ରାଇର ଅଧ୍ୟକ୍ଷ କହିଛନ୍ତି ଯେ, ଆମେମାନେ ଲୋକଙ୍କ ସୁବିଧା ଅନୁସାରେ କାମ କରିବା ପାଇଁ ଚେଷ୍ଟା କରୁଛୁ । ତେଣୁ ଅନେକ ସମୟରେ ଅଭିଯୋଗ ଆସୁଛି ସେମାନେ ଟଙ୍କା ଦେଉଛନ୍ତି ଅଥଚ ନିଜ ମନ ପସନ୍ଦରେ ସେଟ ଅପ ବକ୍ସ ଲଗାଇପାରୁନାହାନ୍ତି । ତେଣୁ ସେମାନଙ୍କ ଦାବି ଅନୁସାରେ ଆମେ ଏପରି ନିଷ୍ପତ୍ତି ନେଇଛୁ । ଆଗାମୀ ଦିନରେ ଲୋକମାନଙ୍କ ସୁବିଧା ଅନୁସାରେ ହିଁ କାମ କରିବୁ । ତେବେ ଟ୍ରାଇର ଏପରି ନିୟମକୁ ତିଖା ବିରୋଧ କରୁଛି ।
ତେଣୁ ଟ୍ରାଇକୁ ନୂଆ ନିୟମ ଲାଗୁ କରିବାରେ ଅସୁବିଧା ହେଉଛି । ଏ ସମ୍ପର୍କରେ ଅନ୍ୟ ୨ କମ୍ପାନୀଙ୍କୁ ମଧ୍ୟ ପ୍ରଶ୍ନ କରାଯାଇଥିଲା ତେବେ ସେମାନଙ୍କ ପକ୍ଷରୁ କୌଣସି ଉତ୍ତର ମିଳିନାହିଁ । ସେମାନଙ୍କ ଉତ୍ତର ଆସିବାପରେ ହିଁ ଏ ସମ୍ପର୍କରେ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି । ଟ୍ରାଇ ସରକାରୀ ଏଜେନ୍ସିଙ୍କ ସହ ଅନେକ ଘରୋଇ କମ୍ପାନୀଙ୍କ ସହ ମଧ୍ୟ ଆଲୋଚନା କରୁଛି । ଆଲୋଚନା ପରେ ସମସ୍ତଙ୍କ ମତାମତ ନିଆଯିବ ଓ ଏହାପରେ ହିଁ ଆମେ ମାନେ କୌଣସି ନିଷ୍ପତ୍ତି ନେବୁ ବୋଲି ସୂଚନା ମିଳିଛି ।