କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଘରକୁ ବରଯାତ୍ରୀ ନେଇଯିବେ ସମୀନା ! ସମ୍ପୁର୍ଣ୍ଣ ଖବର ଜାଣିବା ପାଇଁ ପଢନ୍ତୁ ଏହି ରିପୋର୍ଟ ।
ବହୁବିବାହ ଏବଂ ହଲାଲା ମାମଲାରେ ସୁପ୍ରିମକୋର୍ଟରେ ଯାଚିକା ସବମିଟ୍ କରିଥିବା ଡା.ସମୀନାଙ୍କ କହିବାନୁସାରେ, “ମହାଗଠବନ୍ଧନ ନେତା ତିନ୍ ତଲାକ୍ ମାମଲାରେ ବାଧା ଉପୁଜାଉଛନ୍ତି । ରାହୁଲ ଗାନ୍ଧି ଯଦି ବିଲ୍ ପାସ୍ କରିବାରେ ସହଯୋଗ କରୁନାହାନ୍ତି ତେବେ ଏହାର ଅର୍ଥ ହେଉଛି ସେ ବହୁବିବାହକୁ ସମର୍ଥନ କରୁଛନ୍ତି । ଏମିତିରେ ତାଙ୍କୁ ଛାଡପତ୍ର ପାଇଥିବା ୪ ମହିଳାଙ୍କୁ ବିବାହ କରିବାକୁ ପଡିବ ଏବଂ ରାହୁଲ ଯଦି ଏଭଳି କରିପାରୁନାହାନ୍ତି ତେବେ ମୁଁ ତାଙ୍କ ଘରକୁ ବରଯାତ୍ରୀ ନେଇ ଯିବି ।”
Kanak News is now on WhatsApp
Join and get latest news updates delivered to you via WhatsApp
ବୁଲନ୍ଦସହରର ଡା.ସମୀନା ନିଜେ ଜଣେ ତିନ୍ ତଲାକ୍ ପୀଡିତା । ସେ ଏବଂ ଅନ୍ୟ ୬ ଜଣ ମହିଳା ବହୁବିବାହ,ନିକାହ-ହଲାଲା ଭଳି ମାମଲାକୁ ଅସମ୍ବିଧାନିକ କରିବା ପାଇଁ ସୁପ୍ରିମ କୋର୍ଟରେ ଯାଚିକା ସବମିଟ୍ କରିଥିଲେ । ତେବେ ତିନ୍ ତଲାକ୍ ବିଲକୁ ସଂସଦରେ ରୋକିବା ପାଇଁ ଅଲ୍ ଇଣ୍ଡିଆ ମୁସଲିମ୍ ବ୍ୟକ୍ତିଗତ ଆଇନ୍ ବୋର୍ଡ,ଦେବବନ୍ଦ ସମର୍ଥକ ଏବଂ ମହାଗଠବନ୍ଧନ ନେତା ମଧ୍ୟ ଏକମତ ଅଛନ୍ତି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଏବଂ ସପା ଅଧ୍ୟକ୍ଷ ଅଖିଲେଷ୍ ଯାଦବ ମଧ୍ୟ ଏହି ଦଳକୁ ସମର୍ଥନ କରୁଛନ୍ତି ।
ଯଦି ବହୁବିବାହ ପ୍ରଥାକୁ ରାହୁଲ ସମର୍ଥନ କରୁଛନ୍ତି ତେବେ ଛାଡପତ୍ର ପାଇଥିବା ୪ ମହିଳାଙ୍କୁ ରାହୁଲ ବିବାହ କରନ୍ତୁ ଏବଂ ଅଖିଲେଷ୍ ମଧ୍ୟ ଏଭଳି କରିବାକୁ ଡା.ସମୀନା କହିଛନ୍ତି । ଆଉ ଯଦି ରାହୁଲ ଏଭଳି କରିପାରିବେ ନାହିଁ ତେବେ ସମୀନା ନିଜେ ତାଙ୍କ ଘରକୁ ବରଯାତ୍ରୀ ନେଇ ଯିବେ ବୋଲି ସେ କହିଥିଲେ ।