ଦେଶରେ କୌଣସି ସ୍ଥାନରେ କଂଗ୍ରେସ ସହ ମେଣ୍ଟ କରିବନି ବସପା ! ନିର୍ବାଚନ ପୂର୍ବରୁ ସ୍ପଷ୍ଟ କଲେ ମାୟାବତୀ

78

କନକ ବ୍ୟୁରୋ : କଂଗ୍ରେସ ସହ ମେଂଟ କରିବ ନାହିଁ ବସପା । ବହୁଜନ ସମାଜବାଦୀ ପାର୍ଟିର ସୁପ୍ରିମୋ ମାୟାବତୀ ଏନେଇ ଆଜି ସ୍ପଷ୍ଟ କରିଛନ୍ତି । ଉତ୍ତରପ୍ରଦେଶରେ କଂଗ୍ରେସ ସହ ମେଂଟ ହେବନାହିଁ । କେବଳ ୟୁପିରେ ନୁହେଁ ସାରା ଦେଶରେ କୌଣସି ବି ସ୍ଥାନରେ କଂଗ୍ରେସ ସହ ମେଂଟ କରିବ ନାହିଁ ବସପା । ସେ କହିଛନ୍ତି ସପା-ବିସପି ମେଂଟ ଉତ୍ତରପ୍ରଦେଶରେ ବିଜେପିକୁ ହରାଇବା ପାଇଁ ଯଥେଷ୍ଟ । ଲକ୍ଷ୍ନୌରେ ବିଏସପିର ଅଖିଳ ଭାରତୀୟ ବୈଠକରେ ଲୋକସଭା ନିର୍ବାଚନ ପ୍ରସ୍ତୁତି ଓ ଆଶାୟୀ ପ୍ରାର୍ଥୀଙ୍କ ତାଲିକା ବିଷୟରେ ଚର୍ଚ୍ଚା ଭିତରେ ଏକଥା ଘୋଷଣା ହୋଇଛି । ବସପା କୌଣସି ବି ରାଜ୍ୟରେ କଂଗ୍ରେସ ସହ ନିର୍ବାଚନୀ ବୁଝାମଣା କରିବ ନାହିଁ ବୋଲି ବୋଲି ସ୍ପଷ୍ଟ କରିଛନ୍ତି ମାୟାବତୀ ।

ସୂଚନାଯୋଗ୍ୟ ୟୁପିରେ ଆଗାମୀ ନିର୍ବାଚନ ପରିପ୍ରେକ୍ଷୀରେ ଅଖିଳେଶ ଯାଦବଙ୍କ ସମାଜବାଦୀ ପାର୍ଟି(ସପା) ଏବଂ ମାୟାବତୀଙ୍କ ବହୁଜନ ସମାଜ ପାର୍ଟି(ବସପା) ମଧ୍ୟରେ ଆଗରୁ ଉତ୍ତରପ୍ରଦେଶ ପାଇଁ ମେଣ୍ଟ ଏବଂ ଆସନ ବୁଝାମଣା ଘୋଷଣା କରିସାରିଛନ୍ତି । ତେବେ ଅଖିଲେଶ ଯାଦବ ପୂର୍ବରୁ କହୁଥିଲେ କଂଗ୍ରେସ ମଧ୍ୟ ଏହି ମେଂଟର ଅଶୀଂଦାର । ତେବେ ମାୟାବତୀଙ୍କ ତାଜା ନିଷ୍ପତ୍ତି ପରେ ସ୍ଥିତି ସ୍ପଷ୍ଟ ହୋଇଯାଇଛି । ତେବେ ବସପାର ଏହି ନିଷ୍ପତ୍ତିରେ ଯେଉଁ ଯେଉଁ ସ୍ଥାନରେ କ୍ରିକୋଣୀୟ ମୁକାବିଲା ହେବା, ସେଠାରେ ଭାଜପାକୁ ଫାଇଦା ମିଳବ ।

ମୋଦି ଓ ଭାଜପାଙ୍କୁ ରୋକିବା ପାଇଁ ମହାମେଂଟ ପାଇଁ କରିବା ପାଇଁ ଚେଷ୍ଟା କରାଯାଉଛି । ତେବେ ମାୟାବତୀଙ୍କ ଏହି ଘୋଷଣା ପରେ ମହାମେଂଟ ସମ୍ଭାବନାକୁ ଶକ୍ତ ଝଠକା ଲାଗିଛି । ସୂଚନା ଅନୁସାରେ ପ୍ରଧାନମନ୍ତ୍ରୀ ସିଟ ଉପରେ ମାୟାବତୀଙ୍କ ନଜର । ସପା-ବସପା ମେଂଟ ସମୟରେ ଅଖିଲେଶ ଯାଦବ ଏନେଇ ସଙ୍କେତ ଦେଇଥିଲେ । ବିଗତ ଦିନରେ ସପା-ବସପା ମେଂଟ ରାଷ୍ଟିୟ ଲୋକଦଳକୁ ସାମଲି କରିବା ସମୟରେ କହିଥିଲେ ଦେଶକୁ ଚଳିତ ନିର୍ବାଚନରେ ନୂଆ ପ୍ରଧାନମନ୍ତ୍ରୀ ମିଳିବ ।

ମତାମତ

Your email address will not be published.