ଆଉ ରହିବନି ଇଣ୍ଟରନେଟ ଚିନ୍ତା, ଯେଉଁଠି ବି ଯିବେ ମିଳିବ ୱାଇଫାଇ ସୁବିଧା : ଜାଣନ୍ତୁ କେଉଁ କମ୍ପାନୀ ଯୋଗାଇବ ୧ ଲକ୍ଷ ହଟ-ସ୍ପଟ
ସର୍ବସାଧାରଣ କ୍ଷେତ୍ରରେ ଟେଲିକମ କମ୍ପାନୀ ଭାରତ ସଂଚାର ନିଗମ ଲିମିଟେଡ(ବିଏସଏନଏଲ) ଆଣିଛି ଏକ ବିଶେଷ ଯୋଜନା । ୨୦୧୮ ବର୍ଷ ଶେଷ ପର୍ଯ୍ୟନ୍ତ ଦେଶ ସାରା ଲଗାଇବ ୧ ଲକ୍ଷ ୱାଇଫାଇ ସ୍ପର୍ଟ । ଏହି ୱାଇଫାଇ ନେଟୱର୍କ କମ୍ପାନୀର ଅଂଶୀଦାର ମାନଙ୍କ ସହ ରାଜସ୍ୱ ଅଂଶ ବ୍ୟତୀତ ବିଏସଏନଏଲର ନିଜସ୍ୱ ପୁଞ୍ଜି ବ୍ୟୟର ମୋଡେଲ ଆଧାରରେ ଲଗାଯିବ । ବିଏସଏନଏଲର ଅଧ୍ୟକ୍ଷ ଏବଂ ପ୍ରବନ୍ଧକ ନିର୍ଦ୍ଦେଶକ ଅନୁପମ ଶ୍ରୀବାସ୍ତବ ଗଣମାଧ୍ୟମଙ୍କୁ ସୂଚନା ଦେଇଛନ୍ତି ଯେ ପାଖାପଖି ୧୮,୦୦୦ ୱାଇଫାଇ ସ୍ପଟର ନିର୍ମାଣ ପୂର୍ବରୁ ହିଁ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଏସଏନଏଲ ବୁଧବାର ଦିନ ଗୁଜରାଟର ବଲସାଡ ଜିଲ୍ଲାର ଉଦାୱାଡା ଗ୍ରାମରେ କ୍ୱାଡଜେନ କମ୍ପାନୀ ସହ ଅଂଶୀଦାରରେ ମାଗଣା ୱାଇଫାଇ ସେବାର ଆରମ୍ଭ କରିଛି । ଏହି ଗ୍ରାମକୁ ସୂଚନା ଏବଂ ପ୍ରସାରଣ ମନ୍ତ୍ରୀ ସ୍ମୃତି ଇରାନୀ ସଂସଦ ଆଦର୍ଶ ଗ୍ରାମ ଯୋଜନା ଅଧିନରେ ଗ୍ରହଣ କରିଛନ୍ତି । ଏହି ସୁଯୋଗରେ ସ୍ମୃତି ଇରାନୀ କହିଛନ୍ତି ଯେ ଏହି ଗ୍ରାମରେ ଆରମ୍ଭ ହେଉଥିବା ୱାଇଫାଇ ସେବାର ସୁବିଧା ଗାଁ ଆଖପାଖ ଅଂଚଳକୁ ବି ମିଳିବ । ଏହି ଗ୍ରାମର ଜନସଂଖ୍ୟା ୬୦୦୦ ।
ଏହି ଯୋଜନାର ପ୍ରାରମ୍ଭରେ ଦୂରସଂଚାର ମନ୍ତ୍ରୀ ମନୋଜ ସିହ୍ନା କହିଛନ୍ତି କି ଡିଜିଟାଲ ଇଣ୍ଡିଆ କାର୍ଯ୍ୟକ୍ରମ ଜରିଆରେ ଦେଶରେ ଉଚିତ ମୂଲ୍ୟରେ ଡାଟା ଓ ଭଏସ କଲ ସେବା ଉପଲବ୍ଧ ହେବ । ଆଜିକାଲି ଆମେରିକା ଓ ଚୀନ ମିଶି ଯେତେ ଡାଟା ବ୍ୟବହାର କରୁଛନ୍ତି, ତା’ଠାରୁ ଅଧିକ ଭାରତରେ ହେଉଛି ।