ବିଏସଏନଏଲ୍ ଲଞ୍ଚ କଲା ଇଣ୍ଟରନେଟ୍ କଲିଂ ସର୍ଭିସ ! ଏଣିକି ବିନା ସିମରେ ମଧ୍ୟ କରିପାରିବେ କଲ୍ ।
ଭାରତ ସଞ୍ଚାର ନିଗମ ଲିମିଟେଡ୍ ବୁଧବାର ଦେଶର ପ୍ରଥମ ଇଣ୍ଟରନେଟ୍ ଟେଲିଫୋନ ସର୍ଭିସ ଲଞ୍ଚ କରିଛି । ଏଣିକି ବିଏସଏନଏଲ ବ୍ୟବହାରକାରୀ, ବିଂଗସ ମୋବାଇଲ ଆପ ଦ୍ୱାରା ସାରା ଦେଶରେ ଯେକୌଣସି ଟେଲିଫୋନ ନମ୍ବରରେ ବିନା ସିମରେ କଲ୍ କରିପାରିବେ । ଏହି ସେବା ଜୁଲାଇ ୨୫ ତାରିଖରୁ ଆରମ୍ଭ ହେବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଟେଲିକମ୍ କମ୍ପାନୀ ବିଏସଏନଏଲର ଏହି ସେବାକୁ ଉପଯୋଗ କରିବା ପାଇଁ ଉପଭୋକ୍ତା ମାନଙ୍କୁ ୧୦୯୯ ଟଙ୍କାର ବାର୍ଷିକ ଶୁଳ୍କ ଦେବା ପାଇଁ ପଡିବ । ଏହା ପରେ ସେମାନେ ବିଏସଏନଏଲ କିମ୍ବା ଅନ୍ୟ କମ୍ପାନୀର ୱାଇଫାଇ ଦ୍ୱାରା ମଧ୍ୟ ସାରା ଦେଶରେ ଅସୀମିତ କଲ କରିପାରିବେ । ଏହି ସେବାକୁ ଉଦଘାଟନ୍ କରିବା ଅବସରରେ କେନ୍ଦ୍ରୀୟ ଦୂରସଂଚାର ରାଜ୍ୟମନ୍ତ୍ରୀ ମନୋଜ ସିହ୍ନା କହିଛନ୍ତି ଯେ, ବଢୁଥିବା ଗ୍ରାହକଙ୍କୁ ଦୃଷ୍ଟିରେ ରଖି ବିଏସଏନଏଲ ପକ୍ଷରୁ କରାଯାଇଥିବା ଏହି କାର୍ଯ୍ୟ ଅତ୍ୟନ୍ତ ମହତ୍ୱପୂର୍ଣ୍ଣ ଅଟେ । ବିଏସଏନଏଲ୍ ବ୍ୟବହାରକାରୀ ଏହି ସେବାର ଲାଭ ଉଠାଇବା ସହ ଏହାର ଉପଭୋକ୍ତା ମାନଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବ ।