କନକ ବ୍ୟୁରୋ : ସୀମା ସୁରକ୍ଷା ବାହିନୀରେ ଯୋଗ ଦେବା ଲାଗି ଆହ୍ୱାନ । ଗାଁ ଗାଁରେ ଜନ ସମ୍ପର୍କ ଶିବିରର ଆୟୋଜନ କରିଛି ବର୍ଡର ସିକ୍ୟୁରିଟି ଫୋର୍ସ । ଏଭଳି ଶିବିର କରି ସୁରକ୍ଷା ବାହିନୀରେ ସାମିଲ ହେବା ପାଇଁ ଆଦିବାସୀ ଯୁବକ ଯୁବତୀ ଓ ଅଭିଭାବକଙ୍କୁ ବୁଝାଉଛନ୍ତି ବି.ଏସ.ଏଫ ଅଧିକାରୀ । ବି.ଏସ.ଏଫ ସମେତ ଅର୍ଦ୍ଧ ସାମରିକ ବାହିନୀର ୫୩୦୦ ପଦବୀ ଲାଗି ନିଯୁକ୍ତି ବିଜ୍ଞାପନ ଜାରି କରାଯାଇଛି । ତେବେ ଏହି ପଦବୀ ପାଇଁ ଆଦିବାସୀଙ୍କୁ ଅଧିକ ଗୁରୁତ୍ୱ ଦିଆଯାଉଥିବା ଜଣାପଡିଛି । ମାଲକାନଗିରି ଜିଲ୍ଲାର ଗୋବିନ୍ଦପାଲି ପଂଚାୟତର ଦୁର୍ଗମ ଡୋକ୍ରିଯୋଡି ଗାଁରେ ଜନ ସମ୍ପର୍କ ଶିବିରର ଆୟୋଜନ କରି ଆଦିବାସୀ ଯୁବକ ଯବୁତୀଙ୍କୁ ବୁଝାଇଛନ୍ତି ବି.ଏସ.ଏଫ ଅଧିକାରୀ ।
Kanak News is now on WhatsApp
Join and get latest news updates delivered to you via WhatsApp
ମାଓବାଦୀଙ୍କ ଗଡ ଭାଙ୍ଗିବା ପାଇଁ ଆଦିବାସୀ ଇଲାକାର ଯୁବକ ଯୁବତୀଙ୍କୁ ସୁରକ୍ଷା ବାହିନୀରେ ସାମିଲ କରି ଲାଲ ବାହିନୀଙ୍କୁ ଝଟକା ଦେବା ପାଇଁ ବିଏସଏଫ ନୂଆ ରଣନୀତି ପ୍ରସ୍ତୁତ କରିଛି । କାରଣ ଆଦିବାସୀ ଯୁବକ ଯୁବତୀ ମାନେ ସୁରକ୍ଷା ବାହିନୀରେ ସାମିଲ ହେଲେ ହିଁ ମାଓ ଅଞ୍ଚଳ ବିକଶିତ ହୋଇପାରିବ ଓ ଲାଲଗଡ ଆପଣାଛାଏଁ ଭୁଷୁଡିପଡିବ ।