ହାତରେ ବନ୍ଧୁକ ପେଟରେ ଭୋକ ! ପାଣିଆ ଡାଲି, ପୋଡା ରୁଟି ଖାଇ ସୀମାରେ ସୁରକ୍ଷା ଯୋଗାଉଛନ୍ତି ଯବାନ
ଜମ୍ମୁ ଓ କଶ୍ମୀର ସୀମାରେ ନିୟୋଜିତ ଯବାନଙ୍କ ଦେଶବାସୀଙ୍କୁ ଅନୁରୋଧ । ଦୀର୍ଘ ଘଂଟା ଧରି କର୍ତବ୍ୟ ପାଳନ କରୁଥିବା ଯବାନଙ୍କୁ ଅତି ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ । ଏପରିକି ସକାଳେ ତାଙ୍କୁ ମାତ୍ର ଗୋଟିଏ ରୁଟି ଓ ଚା ଦିଆଯାଉଥିବା ସେ କହିଛନ୍ତି । ତେବେ ଏଥିପାଇଁ ଯବାନ ଜଣକ ସରକାରଙ୍କ ନୁହେଁ ବରଂ ସେନାର ଉଚ୍ଚ ପଦାଧିକାରୀଙ୍କୁ ଦାୟୀ କରିଛନ୍ତି । ସରକାର ସବୁ ସାମଗ୍ରୀ ଯୋଗାଉଥିଲେ ସୁଦ୍ଧା ପଦାଧିକାରୀ ମାନେ ଏହାକୁ ବିକ୍ରି କରି ଦେଉଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେନାରେ ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ ନେଇ ସେ ୩ଟି ଭିଡିଓ ଅପଲୋଡ କରିଛନ୍ତି ଯାହା ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଭିଡିଓରେ ସେ ଦେଶବାସୀଙ୍କୁ ଅନୁରୋଧ କରିବାକୁ ଚାହୁଁଛି । ମୁଁ ବିଏସଏଫ ୩୮ବାଟାଲିୟନରେ କାର୍ଯ୍ୟରତ । ଆମେ ସକାଳ ୬ଟାରୁ ସଂଧ୍ୟା ୫ଟା ପର୍ଯ୍ୟନ୍ତ ଦୀର୍ଘ ୧୧ଘଂଟା ଧରି ଅନବରତ ଭାବେ ବରଫ ଉପରେ ଠିଆ ହୋଇ କର୍ତବ୍ୟ ସମ୍ପନ୍ନ କରୁଛୁ । ବରଫ, ବର୍ଷା ଓ ଝଡତୋଫାନରେ ଆମେ ଡ୍ୟୁଟି କରୁଛୁ । କିନ୍ତୁ ଆମକୁ ନିମ୍ନମାନର ଖାଦ୍ୟ ଦିଆଯାଉଥିବା ସେ କହିଛନ୍ତି ।
ସେପଟେ ବିଏସଏଫ ଯବାନଙ୍କ ଭାଇରାଲ ଭିଡିଓ ପ୍ରସଙ୍ଗରେ ତଦନ୍ତ ନିର୍ଦ୍ଦେଶ ଦେଇଛନ୍ତି ଗୃହମନ୍ତ୍ରୀ । ଏହାସହ ଏହି ଘଟଣାକୁ ଗୁରୁତର ସହ ନିଆଯାଇଥିବା ଲେଖି ଟ୍ୱିଟ୍ କରିଛନ୍ତି କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ କିରନ ରିଜିଜୁ । ଏହାସହ ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ ଯବାନ ଜଣଙ୍କୁ ସୀମାରୁ ହେଡକ୍ୱାର୍ଟକୁ ବଦଳି କରିଦିଆଯାଇଛି ।