କର୍ତ୍ତବ୍ୟ ଆଗରେ ଫିକା ପଡିଲା ଟଙ୍କା ! ୧ କୋଟି ଟଙ୍କାର ଲାଞ୍ଚକୁ ପାଦରେ ଏଡାଇ ପାକିସ୍ତାନରୁ ଆସୁଥିବା ୨୦୦ କୋଟି ଟଙ୍କାର ନିଶାଦ୍ରବ୍ୟକୁ ଜବତ କଲେ ଯବାନ ।
ଦେଶ ସୀମାରେ ପ୍ରତିଦିନ ଡ୍ରଗ୍ସ ତଥା ଅନ୍ୟ ନିଶାର ବ୍ୟବସାୟ ହୋଇଥାଏ । ପଞ୍ଜାବ,ରାଜସ୍ଥାନ , ଜମ୍ମୁ ଏବଂ କାଶ୍ମୀର ଭଳି ସ୍ଥାନରେ ଏହି କାରବାର ଅଧିକ ହୋଇଥାଏ । ନିକଟରେ ପୋଲିସ୍ ଏବଂ ବିଏସଏଫ୍ ଜମ୍ମୁ ଏବଂ କାଶ୍ମୀରରୁ ଆସୁଥିବା ଡ୍ରଗ୍ସ ବୁହାହୋଇ ଆସୁଥିବା ଏକ ଟ୍ରକ୍ କୁ ଧରିବାରେ ସଫଳ ହୋଇଛନ୍ତି । ଏହି ଟ୍ରକରୁ ୨୦୦ କୋଟି ଟଙ୍କାର ହିରୋଇନ୍ ଏବଂ ବ୍ରାଉନ୍ ସୁଗାର ଧରାପଡିଥିଲା । ଏହି ଘଟଣାରେ ଟ୍ରକ୍ ଡ୍ରାଇଭରକୁ ଗିରଫ କରାଯାଇଥିବା ବେଳେ ସୂତ୍ର ଅନୁସାରେ ଟ୍ରକ୍ ଡ୍ରାଇଭର୍ ବିଏସଏଫ୍ ଯବାନଙ୍କୁ ୧ କୋଟି ଟଙ୍କା ଲାଞ୍ଚ ଦେବାକୁ ମଧ୍ୟ କହିଥିଲେ କିନ୍ତୁ ଯବାନ ନିଜ କର୍ତ୍ତବ୍ୟକୁ ସୁଚାରୁରୂପେ ପୂରଣ କରିଛନ୍ତି । କୋଟିଏ ଟଙ୍କାର ଅଫରକୁ ସେ ମନା କରି ଡ୍ରାଇଭରକୁ ଗିରଫ କରାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ ଏଠାରେ କହିରଖୁଛୁ ଯେ ପୋଲିସ୍ ଏବଂ ଯବାନଙ୍କ ତରଫରୁ ବେଳେବେଳେ ସୀମାରେ ହେଉଥିବା ନିଶାସକ୍ତ ପଦାର୍ଥର ତସ୍କରି ପାଇଁ ପେଟ୍ରୋଲିଂ ଚାଲିଥାଏ । ଏହି ଡ୍ରଗ୍ସ ପାକିସ୍ତାନ ଅଧିକୃତ କାଶ୍ମୀରରୁ ଭାରତକୁ ପଠାଯାଉଥିଲା । ପୋଲିସ୍ ଏନେଇ ଡ୍ରାଇଭର୍ ସମେତ ଆଉ ଜଣଙ୍କୁ ମଧ୍ୟ ଗିରଫ କରିଛି । ଏହି ଡ୍ରଗ୍ସର ମୂଲ୍ୟ ବଜାରରେ ୫ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି ।