ସବୁଠାରୁ ଉଜ୍ୱଳ ଧୂମକେତୁ ଆଜି ପୃଥିବୀ ଦେଇ ଗତି କରିବ ! ବିନା ଟେଲିସ୍କୋପରେ ଦେଖିହେବ ଏହି ଧୂମକେତୁକୁ
ପୃଥିବୀ ପାଖ ଦେଇ ଗୋଟାଏ ଉଜ୍ଜ୍ୱଳ ଧୂମକେତୁ ଅତିକ୍ରମ କରିବ
କନକ ବ୍ୟୁରୋ : ରବିବାର ଅର୍ଥାତ୍ ଡିସେମ୍ବର ୧୬ ତାରିଖ ଦିନ ପୃଥିବୀ ପାଖ ଦେଇ ଗୋଟାଏ ଉଜ୍ଜ୍ୱଳ ଧୂମକେତୁ ଅତିକ୍ରମ କରିବ ବୋଲି ନାସା କହିଛି। ୪୬ପି/ଇର୍ଟାନେନ୍ ନାମରେ ସୁପରିଚିତ ଏହି ଧୂମକେତୁ ପୃଥିବୀ ଠାରୁ ୧୧. ୪ ନିୟୁତ କିଲୋମିଟର ଦୂରରେ ରହି ଅତିକ୍ରମ କରିବ। ଅର୍ଥାତ୍ ପୃଥିବୀ ଠାରୁ ଏହି ଧୂମକେତୁର ଦୂରତା ସେତେବେଳେ ଥିବ ଚନ୍ଦ୍ର ଠାରୁ ୩୦ ଗୁଣ ଦୂରରେ। ଏହାକୁ ବିନା ଟେଲିସ୍କୋପରେ ଦେଖି ହେବ। ପୁଣି ୭୦ ବର୍ଷ ପରେ ଯାଇ ଏହି ଧୂମକେତୁ ଦେଖା ଦେବ। ଇର୍ଟାନେନ୍ ଧୂମକେତୁକୁ ବଡ଼ ସୌଖୀନ୍ ଟେଲିସ୍କୋପରେ ଦେଖା ଯାଇ ସାରିଲାଣି। ଆଜି ଏହି ଉଜ୍ଜ୍ୱଳ ଧୂମକେତୁକୁ ବାଇନୋକୁଲାର୍ସ କିଂବା ଖାଲି ଆଖିକୁ ଦେଖା ଯିବ ବୋଲି ନାସା କହିଛି।
Kanak News is now on WhatsApp
Join and get latest news updates delivered to you via WhatsApp
୪୬ପି/ଇର୍ଟାନେନ୍ ଧୂମକେତୁକୁ ୧୯୪୮ ମସିହାରେ ଜ୍ୟୋତିର୍ବିଜ୍ଞାନୀ କାର୍ଲ ଇର୍ଟାନେନ୍ ପ୍ରଥମେ ଆବିଷ୍କାର କରିଥିଲେ। ୧. ୧ କିଲୋମିଟର୍ ପ୍ରସ୍ଥବିଶିଷ୍ଟ ଏହି ଧୂମକେତୁଟି ପ୍ରତି ୫. ୪ ବର୍ଷରେ ଥରେ ସୂର୍ଯ୍ୟକୁ ପରିକ୍ରମା କରୁଛି। ତେବେ ଏପରି ସୂଚନା ମିଳିବା ପରେ ଲୋକମାନେ ଏହାକୁ ଦେଖିବା ପାଇଂ ଅପେକ୍ଷା କରି ରହିଥିବା ଜଣାପଡିଛି । ଦୀର୍ଘ ୭୦ ବର୍ଷପରେ ଏହାକୁ ଦେଖିବାକୁ ମିଳୁଥିବାରୁ ଲୋକଙ୍କ ମନରେ ଦେଖିବା ପାଇଁ ଆଙ୍କକ୍ଷା ରହିଥିବା ଜଣାପଡିଛି ।