ବ୍ରହ୍ମଗିରି : ମହିଳାଙ୍କୁ ଫୋନରେ ଅଶ୍ଲୀଳ ବ୍ୟବହାର ଅଭିଯୋଗରେ ଯୁବକଙ୍କୁ ଗାଡି ପଛରେ ବାନ୍ଧି ୨କିଲୋମିଟର ଦୌଡାଇ ଥାନାକୁ ଆଣିଲେ ଲୋକେ
କନକ ବ୍ୟୁରୋ : ବ୍ରହ୍ମଗିରିରେ ବର୍ବରତା । ୮ ଦିନ ଧରି ମହିଳାଙ୍କୁ ଫୋନ ଯୋଗେ ଅଶ୍ଲୀଳ ବ୍ୟବହାର ଅଭିଯୋଗରେ ଯୁବକଙ୍କୁ ଅଭିନବ ଦଣ୍ଡ । ଗାଡି ପଛରେ ଚେନରେ ବାନ୍ଧି ୨ କିଲୋମିଟର ଦୌଡାଇ ଥାନାକୁ ଆଣି ପୁଲିସର ଜିମା ଦେଲେ ମହିଳାଙ୍କ ସମ୍ପର୍କୀୟ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ବ୍ରହ୍ମଗିରିରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବ୍ରହ୍ମଗିରି ବ୍ଲକରେ ଜଣେ ମହିଳାଙ୍କୁ ଯୁବକ ଜଣଙ୍କ ଫୋନ ଯୋଗେ ହଇରାଣ କରିବା ସହ ଅଶ୍ଳୀଳ ଭାଷାରେ ଗାଳିଗୁଲଜ କରୁଥିଲେ । ଏନେଇ ମହିଳା ଜଣଙ୍କ ଘରେ ଜଣାଇବା ପରେ ପରିବାର ଲୋକେ ସେହି ନମ୍ବରକୁ ଟ୍ରାକ କରିଥିଲେ । ତେବେ ଆଜି ସକାଳ ୧୦ଟାରେ ଫୋନ ଟ୍ରାକ କରି ବ୍ରହ୍ମଗିରିରୁ ସମ୍ପୃକ୍ତ ଯୁବକଙ୍କୁ କାବୁ କରିଥିଲେ ମହିଳାଙ୍କ ସମ୍ପର୍କୀୟ । ପରେ ତାଙ୍କୁ ଏକ ବାଇକ୍ ପଛରେ ଲୁହା ଚେନ୍ରେ ବାନ୍ଧି ଗୋପଛକ ଦେଇ ପ୍ରାୟ ୨ କିଲୋମିିଟର ରାସ୍ତା ଦୌଡାଇ ଦୌଡାଇ ଥାନାରେ ଜିମା ଦେଇଛନ୍ତି ଲୋକେ । ବ୍ରହ୍ମଗିରି ପୁଲିସ ମାଡ ଖାଇଥିବା ଯୁବକଙ୍କୁ ଉଦ୍ଧାର କରିବା ସହ ମାଡ ମାରିଥିବା ଯୁବକଙ୍କୁ ମଧ୍ୟ ଅଟକ ରଖିଛି ।