ଆଜି ବି ବଞ୍ଚିଛି ମାନବିକତା ! ନିଜ ହୃତପିଣ୍ଡକୁ ଦାନ କରି ବଞ୍ଚାଇଲେ ୧୩ ବର୍ଷ ବାଳକର ଜୀବନ ।
ଆନ୍ଧ୍ରପ୍ରଦେଶର ବିଶାଖାପାଟଣାଠାରେ ଏକ ଦୁର୍ଘଟଣାର ଶିକାର ହୋଇଥିବା ୨୦ ବର୍ଷିଅ ଜଣେ ଯୁବକ ନିଜର ବଡ଼ପଣ ଦେଖାଇ ଏବେ ଜାତୀୟ ସ୍ତରରେ ଚର୍ଚ୍ଚାର ବିଷୟ ପାଲଟିଛନ୍ତି। ଦୁର୍ଘଟଣାରେ ତାଙ୍କର ମସ୍ତିଷ୍କ ଅକାମୀ(ବ୍ରେନ୍ ଡେଡ୍) ହେବା ପରେ ବଞ୍ଚିବାର କୌଣସି ସମ୍ଭାବନା ନାହିଁ ବୋଲି ଡାକ୍ତରମାନେ ଘୋଷଣା କରିବା ପରେ ସେ ନିଜର ହୃତପିଣ୍ଡ ଦେଇ ବେଙ୍ଗାଲୁରୁରେ ଚିକିତ୍ସିତ ହେଉଥିବା ଜଣେ ୧୩ ବର୍ଷିଅ ନାବାଳକର ଜୀବନ ବଞ୍ଚାଇବାର ଉଦ୍ୟମ କରି ମାନବିକତାର ଜ୍ୱଳନ୍ତ ଉଦାହାରଣ ସାଜିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଯୁବକ ଜଣକ ଅନ୍ୟର ଜୀବନ ବଞ୍ଚାଇବା ପାଇଁ ନିଷ୍ପତ୍ତି ନେଇ ନିଜ ହୃତପିଣ୍ଡ ଦାନ କରିବାର ଇଚ୍ଛା ପ୍ରକାଶ କରିବା ପରେ ସୋମବାର ସଂଧ୍ୟାରେ ଏକ ଡାକ୍ତରୀ ଦଳ ତାଙ୍କ ହୃତପିଣ୍ଡକୁ ସୁରକ୍ଷିତ ଭାବେ ନେଇ ବିଳମ୍ବିତ ରାତ୍ରୀରେ ଉକ୍ତ ନାବାଳକ ଜଣକ ଚିକିତ୍ସିତ ହେଉଥିବା ବାଙ୍ଗାଲୁର ହସ୍ପିଟାଲ୍ରେ ପହଞ୍ଚାଇଥିଲେ।
ବିଶାଖାପାଟଣାରୁ ରାତି ୯.୩୦ ସମୟରେ ହାର୍ଟ ନିଆଯାଇଥିଲା। ବାଙ୍ଗାଲୁରରେ ଏହା ଯାଇ ରାତ୍ରି ୧୦.୫୬ରେ ପହଞ୍ଚିଥିଲା। ହୃତପିଣ୍ଡଟିକୁ ଠିକ୍ ଭାବେ ନିଆଯିବା ସକାଶେ ବାଙ୍ଗାଲୁର୍ ଟ୍ରାଫିକ୍ ପୁଲିସ୍ର ସହାୟତାରେ କେମ୍ପେଗ୍ଵଡା ଅନ୍ତର୍ଜାତୀୟ ବିମାନ ବନ୍ଦରରୁ ବାନେରଘଯ ରୋଡରେ ଥିବା ଫର୍ଟିସ ହସ୍ପିଟାଲ୍ ପର୍ୟ୍ୟନ୍ତ ଗ୍ରିନ୍ କରିଡର୍ ବ୍ୟବସ୍ଥା କରାଯାଇଥିଲା। ବିମାନ ବନ୍ଦରରୁ ହସ୍ପିଟାଲ୍ ପର୍ୟ୍ୟନ୍ତ ୪୫ କିଲୋମିଟର ପଥ ଅତିକ୍ରମ କରିବାକୁ ସମୁଦାୟ ୪୫ ମିନିଟ୍ ଲାଗିଥିଲା। ମଙ୍ଗଳବାର ସକାଳୁ ନାବାଳକା ଶରୀରରେ ସଫଳ ପୂର୍ବକ ହୃତପିଣ୍ଡ ପ୍ରତ୍ୟାରୋପଣ କରାଯାଇଛି ବୋଲି ହସ୍ପିଟାଲ୍ କର୍ତ୍ତୃପକ୍ଷ ସୂଚନା ଦେଇଛନ୍ତି।